General DALnet/IRC Tips to Follow
=================================
Version 1.0.0
Akhri mein anoovad kiya gaya Jayu (atikrur at yahoo.com) se tarikh
2005-11-11
Asal mein likhwaya gaya Wuher (Wuher at swrpg.net) or Mystro (mystro
at canshell.com) se tarikh 2000-10-22
Prakashit (C) 2000-2005DALnet Irc Network ki taraf se
Agar apka is document ke bare mein koi suzav ya koi mat Hoto apne
suzav hame is email par bheje (sirf ! Koi madat ki Binti nahi!) docs@dal.net. Agar apke koi aise cheeze
pe jankari chahiye jo is document mein likhwayi nahi gai hai To
kripaya Jankari is website pe dekhiye http://help.dal.net.
Parichay
--------
Yeah dastavez DALnet IRC Network ke kuch niyam/siddhanto ka ek
anopacharik dhanga se varnan karta hai. In mein kuch aam IRC tips
yani margdarshan ka kaise anusaran kare yeah samil kiya gaya hai, ki
jo aapko sahahroop hoga, khas taur per yadi aap IRC ke liye naye
user hai.
Suchi
-----
1 * DALnet ke samanya siddhant
2 * Server ke siddhant
3 * Channel ke bare mein margdarshan
4 * Samapan
1 * DALnet ke samanya siddhant
------------------------------
Mass Advertising
Mass advertising yani kisi channels ya users ko baar-baar sandesh
bhejte rehna, khas taur per wah kisi channel ke bare mein ya kisi
website ke bare mein advertising karne ke liye karte hai. Mass
Advertising karne ka parinam aam taur per kill hai per jab wah
baar-baar lagatar aisa karte hai to unko network se bahar nikal
diya jata hai yani network se ban kar diya jata hai, jisse wah
phir network per aa nahi sakta. Agar aap chahte hai ki jyadatar
log aapki channel mein aye, to ishke liye koi dusra rasta dhundhe.
Logo ko aapki channel mein lane ke liye sab se acha suzav yeah hai
ki aap apne channel per akarshak topic set kare, aur dusra apne
dosto ko apki channel join karne ke liye kahe.
Mass Advertising ke siddhant ke bare mein adhik jankari ke liye
http://kline.dal.net/massads/mup.htm per jaye.
Cloning
Eek hi computer (host) se eek se adhik network join karne ko
cloning gina jata hai. Kuch server do jodan manya rakhate hai, jab
ki dusare eek hi manya rakhate hai. Aise eek se adhik jodan karne
ke bare mein yadi aap soch rahe hai to sab se pahele us server ke
MOTD (yani Message Of The Day, ki jo /motd command se dikhega) ko
padh le. Thode ya gaun cloning ka parinam sirf kill hai aur adhik
cloning ka parinam pakka hi network se ban hai. Kisi tantra ke
jariye eek se adhik hosts ka istemal karke network per aana bhi
cloning hi hai iss ke parinam swaroop server ya network se ban bhi
kiya ja sakta hai.
Harassment
IRCops ya kisi DALnet ke sadashya ko satane ke parinam mein bhi
kill ya sambhavit network se ban ho sakta hai, jo satane ki
prakriya per adhar rakhta hai. Yadi aap kisi dusare user ke dwara
pareshan ho rahe ho to shakyatah: aap ban karne ki koshish kare
(yadi mumkin ho to) aur/ya us pareshan karne wale user ko ignore
kar de yani uski avgan na kardo. Agar jo aapke lakh koshish ke
bavajud bhi aap pareshan karne wale user ko rok naa sake to, aap
#OperHelp mein ja kar sahay ke liye pooch sakte hai. Jyada jankari
ke liye http://docs.dal.net/docs/netiquette.html per mulakat le.
Open Proxies
Kuch babato mein yeah jaroori hai ki, open proxy se jodan karne
walo ko DALnet per manyata nahi di jati kyoki aam taur per yeah
nukshan pahuchane wale users istmal karte hai. Pratyek DALnet ke
servers wingate bot chalate hai jo pratyek jodan karne wale users
ke 23 aur 1080 ports ko janchate hai. Agar scanner inmein se koi
port per open proxy ko payega to aap server ke bahar ho jayege.
Jyada jankari ke liye, krupiya
http://kline.dal.net/proxy/index.html per jaye.
Services Abuse
Services Abuse yani services ko nukshan pahochana. Services Abuse
ke liye kai babato ka samavesh hota hai, jismein adhik nicks ko
register karna bhi samil ho jata hai. Abuse samanya tarah se
gatana-pe-gatana per nirdhar karta hai, lekin aap apni saral soch
ka istamal karke chale to aap pakke taur per thik thak hai. Agar
aap ko Services Abuse ke bare mein koi sawal hai to sabuse@dal.net
ko email kare.
Vividh
Yadi network ya IRC se sambandhit masale naa ho to, DALnet ke
dwara dusari services ke akraman (i.g. "nuking" ya packeting) aur
ports scanning per koi action/amal kiya nahi jata. Jab ki agar aap
yeah koshish kisi IRCop per kar rahe ho to, aap chokkas /kill
honge. Yadi aapko lag raha hai ya sanka hai ki aap per koi DOS
dwara hamla kar raha hai ya koi aapka port scan kar raha hai to,
http://www.nohack.net per mulakat jarur le.
2 * Server ke siddhant
----------------------
Bots
Jyadatar DALnet ke servers apne MOTD per yeah ankit karte hai ki
wah bots (Robot jaisa kuch, idle rahne wala clients jo server per
rah kar commands ka istamal apne-aap karta hai) ko manya rakhate
hai ya nahi. Aur, jyadatar (sabhi nahi) servers nirnay karate hai
ki wah kaise bots ko manya rakhate hai. Phir bhi, kuch servers
bots manya nahi rakhate hai aise mein, aapako chahiye ki aap koi
nukshan karak hostile bots nahi chalaye (user ko pareshan, clones,
mass advertising, channel/nick ko chinane ki koshish aur dusare
user ko internet/IRC se bahar nikal ne kati hai, aise bots ko
hostile bot kahate hai).
Yadi aap kisi server ke MOTD (/motd server.dal.net ka istmal karke
dekhe) per yeah naa dekhe ki wah server bot ko manya rakhate hai
ya nahi, tab aapko chahiye ki aap waha per apni bot naa chalaye.
Yadi aap apni bot ko us server per chalana hi chahate ho to
pahele, /admin command ka istmal kare aur server ke administrator
yani sanchalak se baat kare. Yadi kisi server per aise bots apye
gaye, ki jis server per bots manya nahi kiye jate to unko klined
kar diya jayega. Servers pe bot ke siddhant ki suchi ke liye,
http://help.dal.net/faqs/Botsallowed.txt dekhe. Aur, aap DALnet ke
BotFAQ per bhi mulakat le sakate hai
http://docs.dal.net/docs/botfaq.html.
3 * Channel ke bare mein margdarshan
------------------------------------
Flooding
IRC channels per flooding uchatar madhyam se ayogya aur avyavastha
khadi karta hai. Iss mein channel per kuch hi samay mein adhik
matra mein sandesh bhejna ko bhi channel flooding mein samavesh
kiya ja sakata hai. Kai channels per aise flooding ko rokane ke
liye channel ke ops kuch scripts aur bots ka istmal karte hai, jo
aise flooding ko rok sake (jaise ki, istane samay mein itani amuk
hi lines ko manya karna adi.) aur aise flood karne wale user ko
channel se ban kar de. Pratyek channels flooding ke liye apane
khud ke siddhant/niyam sthayi yani set kar sakate hai. Aise flood
se bachane ke liye 10 seconds mein 3-5 lines ya iss se bhi adhik
lines ka sandesh ata ho usse door rahe. Channel per flooding ke
parinam swaroop banned hone se bachane ke liye ek suzav yeah hai
ki ek sandesh bhejne ke liye alag-alag adhik lines likhane ke
bajah ek line mein adhik aksharo ka sandesh bhejane ki koshish
kare. Ek line mein adhik aksharo ka istmal karne se bhi aapko
channel per flooding ke parinam swaroop banned kar sakate hai. Ek
line mein 350 aksharo se kam istmal ek acha suzav hai.
Repeating
IRC ke bare mein ek achi baat yeah hai ki is mein sab likhavat se
hota hai naa to sunane-sunane se. Log andhe nahi hai, wah dekh
sakate hai ki aap kya kahena chahate hai aur apne apko doharane se
kuch fayeda nahi hai. Phir bhi, doharana dusare logo ko pareshan
karta hai. Agar aap ke pass koi sawal hai ya koi nivedan hai to
use ek baar kahe - doharane ki jarurat nahi hai - jald hi ya thodi
der baad koi aapko utar dega. Floogin ke sath, jyadatar channels
per repeats ke liye bhi sambhavit ban set karte hai. Yeah ek acha
suzav hai ki agar ek line ko doharana ki jarurat pade to aap wah
kuch minutes ke baad doharaye; after all, logo ko type karane ke
liye kuch samay to chahiye hoga naa!
Op begging
Kisi bhi channel per Op banane ke liye kabhi bhi nahi kahena
chahiye, iska anzam channel se humesha ke liye kicked/banned ho
sakta hai aur bhavishya mein aapke waha per op banane ke chance ko
bhi nastha kardega. Agar aap kisi channel ke siddhant aur
margadarshan se lage raho ge aur channel per humesha sakriya raho
ge to, ant mein aapko waha per op bana diya jaa sakta hai. Iss ka
matalab yeah bhi nahi hai ki op banane ke liye yeah ek sachot
raasta hai, pratyek channel ko op dene ke liye apne kuch siddhant
aur kuch karya padhatiya hoti hai, ko jo apni loksahi niti se kisi
bhi tarah ki ho sakati hai.
4 * Samapan
-----------
Sab suzav jo yaha per diye gaye hai aur sab siddhant jo yaha per
bataye gaye hai us per chalana kathin nahi hai, bahot asan hai, Agar
aap ko koi bhi sandeh ho ki jiske bare mein yaha per samavesh nahi
kiya gaya ho to, jara apni tark shakti or soch ka istmal kare. Aur,
server per jodan karte hi, MOTD lagake uss server ke niti niyamo ke
bare mein avashya hi jaan le - aise hi kisi channel mein dakhil hote
hi, waha ka topic padh kar channel ke rules ki suchi (ya rules ke
bare mein koi URL diya gaya ho to wah) ko jaan ne ki koshish kare
phir waha per chat kare. Agar aap "netiquette" ke bare mein janne ke
liye sokh rakhate hai to, humara dastavez
http://docs.dal.net/docs/netiquette.html dekhe.
----------------------------------------------------------------------
IRC: /server irc.dal.net 7000 (also port 6667)
The Web: http://www.dal.net/
DALnet Help: http://help.dal.net/
IRC FTP: ftp://ftp.dal.net/
Network! Email: help at dal.net (help), docs at dal.net (help documents),
suggest at dal.net (suggestions and comments)