MemoServ
========
Version 2.0.1
Akhri mein anoovad kiya gaya sps (sps at dal.net) se tarikh 2018-02-22
Akhri mein likhwaya gaya Fredfred (fredfred at dal.net) se tarikh
2018-02-21
Asal mein likhwaya gaya LadyDana (ladydana at dal.net) se tarikh
2000-10-22
Prakashit (C) 2000-2018DALnet Irc Network ki taraf se
Agar apka is document ke bare mein koi suzav ya koi mat Hoto apne
suzav hame is email par bheje (sirf ! Koi madat ki Binti nahi!) docs@dal.net. Agar apke koi aise cheeze
pe jankari chahiye jo is document mein likhwayi nahi gai hai To
kripaya Jankari is website pe dekhiye http://help.dal.net.
Parichay
--------
DALnet aaj ek bahut bade network ki tarah khada hai joh IRC services
pradan karta hai. Woh pehla aise network tha jisne *****Serv*
services apne users ke liye san 1994 mein banayi. Sabse jyada
mashoor aur istemaal kiye jaane waali services hain *NickServ* ,
*ChanServ* and *MemoServ* . Yeh dastaavez aapko uplabh MemoServ
commands se rubaroo karvayega unke syntax aur udharano ke saath.
Aapko yeh bhi bateyha kahan aapke kuch asie kadam services ka
ulanghan kehlaayenge (MemoServ se jude) aur kaise ulanghanna ko
report karein.
DALnet services commands ki poori soochi aap yahan par paa sakte
hain http://www.dal.net/services . Inse adhik jaankari services ke
baare mein paane ke liye aap in niche diye hue channels par jaake
pooch sakte hain: #DALnetHelp , #Help or #IRCHelp .
Poore dastaavez mein, command "/memoserv" istemaal kiya jayega jab
MemoServ se baatcheet karni hogi command dwara. Ho sakta hau aapka
IRC client yeh support na kare, us samay hum yeh soojhav denge ki
aap yeh karke dekhein "/msg memoserv@services.dal.net" ya fir
"/quote memoserv" istemaal karein.
Suchi
-----
1 * Avashaktaaein
2 * Memos Bhejna
2.1 Personal
2.2 Channel ops
2.3 Channel sops
2.4 Ek naya tarika Memo bhejne ka
3 * Memos ko padhna
4 * Memos ko delete karna
5 * Memos ignore karna
6 * Memos forward karna
7 * MemoServ ki khabar
8 * NOMEMO Option
9 * Ulangna
10 * Ulagna ko darz kaise karvayein
1 * Avashaktaaein
-----------------
Kuch sadharan avashaktaaein hai jiske pehle koi bhi user MemoServ se
memos bhejna shuru karein, woh kuch is prakar hain:
Memo bhejne wala aur receive karne wala dono ke nicknames registered
hona jaroori hain. Jab user memo bhejta hai toh uska nickname
registered ho. Waise hi jab receiver memo receive karta hai toh uska
bhi nickname registered hona chahiye.
Koi bhi message jab memo dwara bheje jaate hain toh woh 255
characters se adhik nahi hona chahiye. Yaad rahe, memo ka matlab ek
chota sa note hain. Agar aap lambe message bhejna chahte hain toh
Email ka istemaal karein na ki memo ka. Aap apne message ko 2 memo
mein bhi baat saktein hain, par sojjhav hai ki email karein toh
behtar hoga.
Jyada tar logon ko memo feature pasand hota hai, par kuch aise bhi
log hain jinko bar bar memo receive karna pasand nahi hota Is kaaran
se DALnet unhe memo OFF karne ka vikalp bhi pradan karta hai, Yeh
feature aage jaake visthar mein hum dekhenge niche jaake.
Kuch aur avashaktaaein hai jiske pehle memo bhej saktein hai aap,
unhe hum dekhenge kaise woh memo bhejne par prabh daal sakte hain
aage jaake.
2 * Memos Bhejna
----------------
Memos teen tarike ke hote hain. Personal memos, channel memos aur
global memos. Global memos ko *MemoServ NEWS* bhi bola jaata hai,
aur yeh sirf DALnet Administration dwara bheje jaa sakte hain. Iss
feature ko hum aage jaake vistaar mein dekhenge is dastaavez mein.
Personal memos sirf kisi ek aadmi ko bheja ja sakta hai, wahi
channel memos saare channel ke AOps/SOps/Managers ko bheja jaata
hai. Jab channel memo bheja jaata hai toh woh duplicate copy banakar
har nickname nickname joh AOp/SOp/Manager list mein usse mil jaata
hain.
2.1 * Personal
--------------
Personal memo is prakar bheja jaata hain:
/MemoServ send
Example:
/MemoServ send PeanutButterLover I'm not going to be there tonight,
catch you tomorrow!
Where "PeanutButterLover" is the person who I am sending this memo
to.
2.2 * Channel ops
-----------------
Channel memos bhi issi sidhant par kaam karta hai. Haali ki har ek
aadmi channel memo nahi bhej sakta. Jab channel sabse pehle register
hota hai toh default roop se AOp level par set ho hain. Iska arth
yeh nikalta hai ki, AOps/SOps/Managers saare channel memo bhej sakte
hain. Agar Founder ne channel memo bhejne ki restriction SOp tak set
ki hai toh sirf SOp's/Manager's/Founder hi channel memo bhej paygene.
/MemoServ send <#channel>
Udharan:
/MemoServ send #peanutbutterlovers Hey everyone! I will not be
around for the the next 10 days, if there are any problems then talk
to one of the sops.
Upar dikhaya hua memo har ek AOp, SOp, Manager joh channel mein darz
kiya gaya hai usse milega.
2.3 * Channel sops
------------------
Agar aap koi memo SOps/Managers/Founder ko bhejna chahte hain yoh
yeh karein:
/MemoServ sendsop <#channel>
Udharan:
/MemoServ sendsop #peanutbutterlovers What does everyone think about
aopping PeanutLovingLady? She has been around a lot recently ...
Channel memos bhejne se pehle, achi tarah soch vichar karlein. Agar
yeh jyada tar logon ko bura nahi lagta toh aap channel memos
bhejein. Aap jyada se jyada 5 memo bhej sakte hain ek vyakti ko.
MemoServ aapki aage ki saare memo ko radh kardega bhejne se.
Har ek memo 255 characters se adhik ka na ho. Agar hota hai toh,
memoserv aapko warning dega aur kam karne ke liye kehega. Niche
dekhe udharan ke taur par jahan hum 288 characters ka memo bhejne ki
koshish kar rahe hain, aur memoserv humein 33 characters kam karne
ka soojhav de raha hai.
-MemoServ- Memos can be no longer than 255 characters. Your memo was
288 characters long. Please shorten it by 33 characters.
2.4 * Ek naya tarika Memo bhejne ka
-----------------------------------
Yeh ek naya tarika hai chunne hue channel ops ko memo bhejne ka
/MemoServ sendchan <#channel>
Udharan:
/MemoServ sendchan #peanutbutterlovers MANAGER
/MemoServ sendchan #peanutbutterlovers SOP+
Jyada jaankari ke liye "/MemoServ HELP "yeh command ka istemaal
karein
3 * Memos ko padhna
-------------------
Jab aap pejli baar apna nickname istemaal karenge, MemoServ aapko
batayega ki koi memos padene liye hain ya nahi.
-MemoServ- You have 1 new memo. To list them, use: /msg
MemoServ@services.dal.net list
Abh hum chalte hain dusre command par. Jaise naam padkar hi pata
chalta hai, MemoServ LIST command aapko memos ki soochi dikhata hai.
Yeh bhi batata hai kisne memo bheja hai, uska number, samay jab
bheja gaya aur uska status (naya, pad liya gaya ya deleted).
/memoserv list
MemoServ LIST command apko pehle 20 memos ki soochi dikhaeyga. Agar
aapko aage ke memos padne hai toh, toh kuch memos delete karne
honge. Aap STARTPOINT vikalp ka istemaal bhi kar sakte hain apne
memos ko padne ke liye. Udharan ke taur par:
/memoserv list 5
Yeh command aapko memos dikhata hai 5 se lekar 20 tak ke. Agar aap
kaafi din se bahar the aur online nahi aa paye yeh vikalp kaafi
saakar sabit hoga aapke liye.
READ command ka istemaal karenge jab memo ka asal content dekhna ho.
Command niche dekhein:
/memoserv read
Jaise pehle bhi dekh kar aaye hum, memo number dekha jaa sakta hain
output mein MEMOSERV LIST ke. Udharan ke taur par:
/memoserv read 1
IAgar aap ko ek se jyada memo receive hue hain aur aap un sab memos
ko padna chahte hain toh, toh aap unhe ek saath pad sakte. Udharan
dekhein:
/memoserv read 1,2,3
or
/memoserv read 1,3,5
Dhyaan dein: Saare memos apne aap 30 din baad delete ho jaate hain.
Fir chahe aap unhe padein nah padein. Ek saath ek nickname 50 memos
apne paas sambhal ke rakh sakte hain.
4 * Memos ko delete karna
-------------------------
Ek baar pada hua memo agar rakhna nahi chahte aap toh use delete kar
sakte jain. Delete karna kisi bhi memo matlab do steps se gujarna.
Pehle woh delete hota hai aur fir purged.
DEL command aapko ek ya ek se jyada memos delete karne deta hain.
Deleted memos aapko tab tak dikhenge jab tak aap unhe purge nahi
karte. DEL command ka syntax hai:
/memoserv del
Udharan ke taur par:
/memoserv del 1
/memoserv del 1,2,3
/memoserv del 1,3,5
Yahan agar aao dekhein toh, DEL command ussi tarah kaam karta hai
jaise ki READ command. Haala ki DEL command ek aur kaam karta hai
joh READ nahi kar pata, aur woh yeh hai:
/memoserv del all
ALL switch istemaal karne pe saare memos ek saath delete aur purge
hojaate hain ek saath. Ek baar yeh command chalane par wapas nahi
jaya ja sakta, aur memos wapas nahi la sakte. Haalaki aap delete
kiye hui memos ko undelete kar sakte hai unke number dekh kar:
/MemoServ undel
Udharan:
/MemoServ undel 1
/MemoServ undel 1,2,3
/MemoServ undel 1,3,5
Koi bhi memo do tariko se purge hote hain. Saare memo delete aur
purge ho jaate hain jab aap apna nick istemaal karna band kar dete
hain, ya fir aap command dwara unhe purge kar saktein hain delete ke
baad.
/memoserv purge
Ek baar purge chalane par, woh memo firse wapas nahi la sakta koi
bhi. Is kaaran ourge bade hi sambhal kar istemaal karein.
5 * Memos ignore karna
----------------------
Abh users dusre logon ko varjit list mein daalkar unke memo receive
karna band kar sakte hain, yeh dekhein
Syntax:
/memoserv ignore
/memoserv ignore
/memoserv ignore
/memoserv ignore
Pehla command aapko nickname ko ignore list mein daalne ka vikalp
deta hai. Aap nickname ke bajaye mask bhi daal sakte hain. Is ke
baad woh aapko memo nahi bhej payenge.
Dusra command aapko nicks ya masks nikalne ka vikalp deta hai aapki
ignore soochi mein se.
TTeesra command aapko ignore soochi ko poori tarah saaf karne ka
vikalp deta hai, fir usmein chahe nickname ya masks ho(ya fir dono
hi hon). Iske baad koi bhi aapko memo bhej payega.
Chautha command aapko apni ignore soochi dekhne dega.
Ignore soochi aapko jyada se jyada 50 enteries daalne deta hain.
Agar koi apke ignore soochi ka hissa hai aur channel share karta hai
aapke saath, toh use bheje hue channel memo bhi aap ko deliver nahi
honge.
6 * Memos forward karna
-----------------------
Agar aap ek se jyada nickname rakhte hain, toh memoserv aapko saare
memos ek nick par forward karne ka vikalp pradan bhi karta hai. Isse
aapko baar baar alag alag nicknames mein login karkar baar baar
memos padna nahi padega, aur aape ek primary nickname par saare
memos pahunch jayenge. Is karan *FORWARD* wala vikalp bana gaya hai.
Syntax hai:
/memoserv FORWARD
/memoserv FORWARD <->
/memoserv FORWARD
Pehla command yeh batata hai ki forward vikalp ON hai ya nahi.
Dusra command forwarding off karne ke liye bana hai. (current
nickname ki forwarding)
Teesra command forwarding ON karta hai aapke current nick se dusre
nick par. Aapko us nickname jispar aap saare memo padna chahte hai
uska password pata hona chahiye.
7 * MemoServ ki khabar
----------------------
MemoServ NEWS articles hote hai joh DALnet administration dwara
bheje jaate hai taaki woh users ko jarrori badlavon ke baare mein
soochit kar sakein. Unhe global memos bhi bola jaata hai.
Global Memos saare nicknames ko milta hai, fir chahe aapne NOMEMO ON
rakha ho ya fir FORWARD. Global Memo in saarein vikalpon ke upar
hain.
Aap yeh command istemaal karein "/memoserv news" koi bhi news
article ya global memo ko padne ke liye. Padne ke baad woh apne aap
delete ho jaate hain. Agar aap unhe nahi padte ho MemoServ aap ko
barbar yaad dilata rehta hai jab tak aap usse pad na lein.
MemoServ NEWS articles kaafi durlabh hote hain aur tabhi bheje jaate
hain jab jarrorat ho. Purane articles aap yahan pad saktein hain.
http://www.dal.net/news .
8 * NOMEMO Option
-----------------
Waise toh yeh vikalp memo se juda hai, par NickServ dwara chalaya
jaata hai kyunki mana jaata hai ko yeh nickname se juda feature hai
aur uska hissa hona chahiye.
Yeh command ke niche dekhein, iske do tarike hain ON and OFF:
/nickserv set nomemo on
/nickserv set nomemo off
Yeh aapko NOMEMO ON aur OFF karne deta hain. Yaad rakein NOMEMO
vikalp FORWARD ke upar kaam karta hai.
Jaruri hai ki aap identify karlein apne nickname ko, NOMEMO vikalp
ko istemaal karne se pehle. Nickname identify karne ke liye yeh
karein. " /identify " ya " /quote identify "
dusre clients par
9 * Ulangna
-----------
MemoServ istemaal karna matlab DALnet ke resources ko sahi tarike se
istemaal karna. Agar aap koi abhadr bhasha ka istemaal, flooding,
advertising, spamming karte hue paye gaye toh parinaam bura ho sakte
hai.
Kisi bhi roop mein apne doston aur dushmano ko memo flood se tang
karna ya bar bar bhejna, aisa koi bhi kaam nah karein.
Bar bar bheje hue tang karne wale memo DALnet policies ki ulangna
maane jayenge. Fir chahe woh dhamki dena, flood karna ya abhadr
bhasha ka istemaal karna ho.
Kripa karke MemoServ ka istemaal apne channel ko advertise karne ke
liye na istemaal karein. Agar aapko pata hai ki dusre is se tang
nahi honge toh hi aap yeh karein.
Upar bataye gaye cheezon ko karne par aap network bans, nickname
freeze ho jaana, ISP ko shikayat dena in sabhi ke shikar ho sakte
hain.
10 * Ulagna ko darz kaise karvayein
-----------------------------------
Agar aap kisi bhi services ulanga ke sikhar hai, MemoServ ko ginte
hue, toh aap iski shikayat karein kisi bhi CSop (Channel Services
Operator) ya SAbuse (Services Abuse) Team ke saath.
Aaj kal logs ko nakli banana aasan baat hai, Isliye hum unpar
vishwas kam rakhne lagein hain. Is karan aap shikayat karne ke liye
yeh *jaroori* cheezon ko dhyaan mein jarur rakhein.
Sabse pehle ton aap woh memo delete na karein jismein aapke paas
saboot hai.
>Yahan se aapke paas do vikalp hain. Ya toh aap koi CSOp ko dhundkar
unhe apni samasya batayein. Ya fir SAbuse team ko likhein is pate
par sabuse at dal.net . Yaad rakhein ki aap poori ghatna ki jaankari
ache se likhein aur memo ki copy bhi usmein daaldein. SAbuse aapki
di hui jaankaari padne ke baad, apke nick ko identify kar kar memo
pad sakta hai. Isliye agar aap usmein yeh bhi likh dein ki aap ko
koi aapati nahi hogi isse so bahut acha hoga.
Saare CSOps aapko is tarah dikh jaayenge "/motd services.*" . Kisi
bhi IRC Operator ko kaise dhund saktein hai, iski jaankari yahan par
padhein http://docs.dal.net/docs/findoper.html .
----------------------------------------------------------------------
IRC: /server irc.dal.net 7000 (also port 6667)
The Web: http://www.dal.net/
DALnet Help: http://help.dal.net/
IRC FTP: ftp://ftp.dal.net/
Network! Email: help at dal.net (help), docs at dal.net (help documents),
suggest at dal.net (suggestions and comments)