DALnet Netiquette
=================
Version 1.0.2
Akhri mein anoovad kiya gaya sps (sps at dal.net) se tarikh 2018-02-12
Akhri mein likhwaya gaya eDdYk0nG (eddykong87 at yahoo.com) se tarikh
2007-04-27
Asal mein likhwaya gaya Kzoo (kzoo at dal.net) se tarikh 2000-10-22
Prakashit (C) 2007-2018DALnet Irc Network ki taraf se
Agar apka is document ke bare mein koi suzav ya koi mat Hoto apne
suzav hame is email par bheje (sirf ! Koi madat ki Binti nahi!) docs@dal.net. Agar apke koi aise cheeze
pe jankari chahiye jo is document mein likhwayi nahi gai hai To
kripaya Jankari is website pe dekhiye http://help.dal.net.
DALnet Shistachaar
------------------
Yeh dastavez mool roop se is udesh se likha gaya hai jisse aap
DALnet par ek safal chatter ban sakte hai. Aur bhi dastavez hai joh
aapko gairahi mein in visheyon par soochna de sakte hain. Sabhi
dastavezon ka sthan vikhayat kiya jaayega taaki aap apna gyan bada
sakein.
Samikha ke roop se, chalein dekhte hain ki aapne kaunsi cheezon ka
dhyaan rakhna chahiye jab aap DALnet par hote hain. Flooding, mass
advertising (mass invites kisi bhi channel mein ko bhi gine is
mein), flooding, open proxy abuse, spreading virus, cloning, aor
abusing services. Jyada jaankari ke liye, kripa padein
http://docs.dal.net/docs/general.html.
IRC (Internet Relay Chat) ek bada hi romanchak sahhsikk, sabhi ke
liye khula madhyam hai jinke paas internet connection uplabh hai.
Iske kahi saare pehlu hai joh ek user kar sakta hai taaki uska
anoobhav badhiya rahe aor woh shistachaar ke adheen bhi rahe.
Suchi
-----
1 * Aapka Nick
2 * Channel mein pravesh karna
3 * Channel Conversation
4 * DCC
5 * Channel Operators
6 * Help Channels
7 * Stalking/Harassment
8 * The IRC Operators
1 * Aapka Nick
--------------
Jab aap IRc par chat karte hain, toh log aapko aapke nickname se
pehchaante hain. Aapka nickname aapki pehli pehchaan hota hai jinse
aap milte hain aur yeh badi hi soch vichar kar rakha jaana chahiye.
Nicks jin mein abhadra bhasha ho (hum sabhi ko pata hai woh kaise
*gandey* hote hain) ya fir kisi personal cheez se jude hon jo public
channels mein use na kiye ja sakte ho, aise nicks se aap door rahein
toh behtar hoga. Bina wajah space aur extra characters bhi na dein.
DALnet par abh ek nickname password ke saath register karna mumkin
hogaya hai, jisse aap usse hamesha surakshit rakh sakte hain. Adhik
jaankari ke liye kaise nickname register karein aor use maintain
karein, is link par padhein http://docs.dal.net/docs/nickserv.html.
Aap in mein se ek help channel bhi join karkar bhi jaankari haasil
kar sakte hain: #DALnetHelp, #Help, #IRChelp.
2 * Channel mein pravesh karna
------------------------------
DALnet par connect hone par, aap channel join karne ke liye yeh type
karein
"/join <#channelname>" (#channelname wohi ho jisse aap join karna
chahte ho).
Udharan ke tor par, agar aap #DALnetHelp join karna pasand karte
hain toh aap type karein
"/join <#DALnetHelp>"
Agar kisi channel mein topic dikhe, toh use jaroor padein. Usmein
aksar rules likhe ghote hain us channel ke prati. Kabhi kabhi aapko
channel bot dwara bhi rules bata diye ja sakte hain. Jab aap kisi
bhi channel mein ghuste hain, toh ghuste se hi baat shuru na karein.
Thodi der rukein aor dekhein ki kis vichar par chat ho rahi hai aor
fir bhagi dhaari lein.
Adhik jaankari ke liye, dekhein "Finding a Channel" joh is link par
hai http://docs.dal.net/docs/channels.html.
3 * Channel Conversation
------------------------
Yaad rakhein ki log apne opinion bana sakte hain aapke bare mein,
toh aap jab bhi kkuch likhein toh soch samajh kar likhein. Ek baar
type ki hui baat wapas nahi aa sakti.
Har ek channel ki apne apne tarike hote hai baat karne ke(topic aor
style). Islie aap thodi der wahan rukein, dekhein aor samjhein ki
kaise kya ho raha hai aor fir bhag lena chaalu karein. Isse aapko
faydo hoga aur aap apni baat karne ka tarika un logon ke hisab se
banakar chat jyada aasani se kar payenge.
Jis bhasha mein ek channel mein baatcheet ho rahi ho, ussi bhasha
mein baat karein. Agar English us channel ki bhasha hai, toh English
mein hi karein. Portugese, ho toh Portugese istamal karein. Apni
bhasha dusro par thopne ki koshish na karein.
Dusron ki kamiyaan na nikaalein fir chahe typing, spelling ho ya fir
unka opinion ho, is duniya mein koi bhi perfect nahi hota.
IRC mein kuch log gupt rehna bhi pasand karte hain, unhe waisa hi
rehnde dein. Jyada personal saval na pooche ya photo maangna shuru
na hojaein jab tak aap unko achi tarah se nahi jaan lete, aor woh
bhi aapko.
Kuch channel .mp3 ya .wav file chalana pasand karte hain, ya fir
sounds bhejna. Pehle dekhein woh kis prakar ki file bhej rahein
hain, bhi aap apni share karein. agar koi apatijanak file ho toh use
na bhejein.
ASCII art bhi channels ka hissa hoti hai Kuch color aor kuch
black-white. Pehle dekhein ki kya exchange ho raha hai, fir hi aap
apna kadam badaein.
Kuch log /msg pe baat karna pasand karte hain, kuch nahi. Hamari yeh
salah hai ki aap pehle unko channel ke mains par baat karke jaan
lein, fir hi /msg ka istamal karein.
4 * DCC
-------
Kaafi log DCC dwara file receive karna pasand nahi karte. *Apna DCC
automatically accept karna off rakhein.* Kabhi kabhi DCC dwara virus
bhi send ho sakte hain, is liye dhyan rakhe. Agar jyada jaankari
prapt karni hai toh #mirc join karein.
Agar aapko lagta hai ki aap virus dwara infected hain, toh kripa
karke #Nohack join karein.
DALnet ke paas ek tarika hai virus ko block karne ka, agar koi file
receive karna chahte hain or woh blocked hai, toh type karein
"/dccallow +"
yeh file ko accept karke receive karva dega.
Jyada jaankari ke liye #nohack join karein ya fir yeh link par
jayein http://docs.dal.net/docs/exploits.html. Aap adhik jaankari ke
liye is link ko bhi visit kar sakte hain http://www.nohack.org/
5 * Channel Operators
---------------------
Channel operators kisi bhi channel ki list ke sabse upar '@' nishan
ke saath dikh jaate hain. Unka mukhya udesh rules ko barkarar rakhna
hota hain. Agar aapko kisi baat par shakh hai toh pehle unhe pooche
fir hi channel mains par apni bhagyadhari dein. Woh aapko kick bhi
kar sakte hain agar aap theek vartao nah rakhe (kick ka karan dena
jaroori nahi hai). Agar aap fir bhi nahi sudarte toh ban bhi ho
sakte hain. Marzi ban karne waale ki hoti hai, chahe woh aapko
bataeye ya na bateye, isliye aap samajhdari se kaam lein.
Agar aap kisi channel mein aksar dikhte hai, toh waha ke channel
operators aapko apni soochi ka hissa banane ke liye amantrit kar
sakte hain. Kuch channels mein apko quiz dekar bhi yeh sabit karna
hota hai ki aap ache operator ban sakte hain.
Channel operators joh DALnet help channels mein hote hain, woh
management ki samasyaon ko hal karne mein bhaag nahi lete, na hee
IRC Operators. Agar aap kisi bhi channel se kick ya ban hue hain,
toh us channel ke operators ko sampark karein, na ki help channels
ke operators ko.
Adhik jaankari prapt karne ke liye (channel bans ke bare mein),
visit karein http://docs.dal.net/docs/banguide.html
6 * Help Channels
-----------------
DALnet par kaafi official help channels maujood hain. Is link par
dekhein http://help.dal.net/. Aap gaur karenge ki yahan kaafi help
channel bhasha ke hisab se bhi hain, jaise ki Spanish ya fir German.
#DALnetHelp ek English channel hain.
Kaafi unofficial channel bhu hai, joh kaafi ache hain aur kaafi
madadgaar sabit ho sakte hain. Unki specialties unke naam se hi pata
chalti hai: #mIRChelp, #HTML-helpdesk, #ircle, #newbies, etc. Aapko
pata hona chahiye ki aap kis channel mein madad maang sakte hain,
agar aap galat channel mein pahunchte hain toh aapko sahi channel
bheja jayega.
Jab aap koi help channel join karte hain. toh join karte se hi sawal
poochne na pag jayein. Aksar helpers dusron ki madat kar rahe hote
hain aur yeh confusion paida kar sakte hain. Agar aapko rukna pade
toh ruk jayein, jald baaji na dikhaein.
Koi bhi sawal poochne se pehle yeh jaanlein ki aap konse channel
mein kya poch sakte hain #macintosh mein aap Windows sambandhit
saval nahi pooch sakte udharan ke tor par.
#OperHelp ek moderated channel hai1. Aapko yahan +v ke liye rukna
padega, ek operator dwara diye jaane par hi aap apna sawal pooch
sakte hain. Kripa karke unhe private msg ya notice bna bhejein,
warna aap kick ban bhi ho sakte hain.
Kaafi samay aisa ho sakte hai ki aapke saval aor jawab mein kaafi
deri ho. Dhairya rakhein kyun ki Services mein dekh kar operator
aapka sawal ke jawab denge jise samay lagta hai. Agar aapko jawab
jaldi nahi mil rahe iska yeh matlab nahi ki aap ki madat nahi ho
rahi, thoda time rukein aor operator ko apni khoj karne dein taaki
woh aapko sahi jawab de sake. Unhe tang na karein kisi bhi tarah is
daoran.
#OperHelp ki jyada jaankari prapt karne ke liye, is link ko visit
karein http://help.dal.net and click on the * #OperHelp* link par
click karein. Yahan aapko anya help channels ke baare mein bhi
jaankari milegi.
Kisi bhi help channel mein baithkar dekhna se aap bahut kuch seekh
sakte hain, jyada kar wahan normal chat kam hota hain yeh dhyan
rakhein. Kuch channel aapka dekhne ka samay limit kar sakte hain.
#OperHelp aapko bilkul bhi izzat nahi deta ki aap wahan apna samay
wyarth bitayein. Kuch help channels apko help karne se mana bhi kar
sakte hain ya fir izzazat mangne ke liye bol sakte hain.
7 * Stalking/Harassment
-----------------------
Stalking karna achi baat nahi maani jaati aur woh chahe user ki us
channel mein ho ya fir alag channels mein ho. Harassment karna
barbar /msg karke ya fir unwanted attention lene ke liye aap ban ya
akill ho sakte hain. Agar aap mIRC use kar rahe hain, toh aap ignore
kar saktein hai yeh command use karke
"/ignore 3".
Agar woh nickname change bhi karein toh bhi ignore hi rahenge. Par
agar connection badlein toh aapko fir se ignore karna padega, type
karein yeh command "/ignore 3"
Aap yeh bhi kar sakte hain...
"/silence "
Agar aapko koi barbar tang karein toh uske ISP ko report karein.
Uska ip-address aap is prakar dhund sakte hain: "/whois ".
Agar, sabhi number dikhte hain, yeh karein
"/dns "
aor aapko uska ISP pata chal jayega. Ek copy harassment ki is email
id par bhi bhejein *abuse@user.net (the ISP joh offending user ka
hai)*. Agar aapko lagta hai ki harassment jyada hai toh local law
authority ko bhi batayein.
8 * The IRC Operators
---------------------
IRC operators ki jimmedari hoti hai ki woh individual server ki
sambhal karein aor poore DALnet network ki bhi. Woh koi 'police'
nahi hote(logon ka veham hai yeh), par unki jimmedari banti hai ki
jab koi services ya servers ko band karne ki dhamki de toh saboot
samet unpar action karein. Woh aapki seva ke liye niyukt ki gaye
hain, fir chahe password kho jaye ya fir network operations mein koi
badha dalne ki koshish karein toh unko sakt karvayi karna ka adesh
diya gaya hota hai. Aap unko #OperHelp mein pa sakte hain.
Aap IRC operator banane ke liye application darj nahi karva sakte.
kripa yeh command type karein: " /motd " taaki aap polcy jaan sakein
IRC Operator status mangne se pehle. Agar aap IRC operator status
mangna shuru karte hain toh aap sabse nichle tal par chale jayenge
jahan aapka chance bahut kam reh jayega jab aapko yeh mauka mile.
Barbar maange par aapko network se hamesha ke liye ban bhi kiya ja
sakta hai.
Adhik jaankaari ke liye (IRC Operators ke bare mein), visit karein
http://help.dal.net/dnh/oper.php. IRC operator ko kaise dhundh sakte
hain, is par jyada jaankari aapko yahan milegi:
http://docs.dal.net/docs/findoper.html
----------------------------------------------------------------------
IRC: /server irc.dal.net 7000 (also port 6667)
The Web: http://www.dal.net/
DALnet Help: http://help.dal.net/
IRC FTP: ftp://ftp.dal.net/
Network! Email: help at dal.net (help), docs at dal.net (help documents),
suggest at dal.net (suggestions and comments)