1 · Kamron ka intizam kon sambhalta hai?
DALnet ke kamray channel operators ki janib se munazzam kiye jatay hain. Aap aik channel operator ko kamray ki user list mein us ke urfi'naam se pehle @ prefix ke zariye pehchan saktay hain.
IRC Operators aam taur par kamray ke intazamaat aur roz marrah ke moamlaat mein mudakhlat nahi kartay. Kamray ke operators kamray ka unwan aur maqsad murattab kartay hain, kamray ke liye rawayye ke qawaneen tay kartay hain, aur is baat ka faisla kartay hain ke kis ko kamray mein dakhil hone ki ijazat di jaye.
2 · Kamray ke operators ko kon sambhalta hai?
Channel operators aik doosray ko barabar ke operators ke taur par monitor kartay hain. Agar aik kamra indraaj shuda nahi hai, tau kamray ke tamam ops ki hesiyat barabar hogi, aur koi bhi aik op ya ops ka garoh kisi bhi wakt mazeed ops ko shamil ya kharij karne ka faisla kar sakta hai. Agar kamra indraaj shuda hai, tau us ka aik Baani hoga aur zarurat ke mutabiq mukhtalif darjon ke operators ho saktay hain, jin mein Managers, SOps aur AOps shamil hain. Kamray ke ops is darjabandi ke andar khud faisla kartay hain ke har channel op ko konsa access level diya jaye. Baani Managers, SOps aur AOps ko shamil ya kharij kar sakta hai; Managers SOps aur AOps ko shamil ya kharij kar saktay hain; aur SOps AOps ko shamil ya kharij kar saktay hain.
Agar aik kamra indraaj shuda hai, tau aap us ke Baani ka urfi'naam is command se maloom kar saktay hain /chanserv INFO #channelname . Kamray ke Manager, SOp aur AOp ki fehrist sirf un channel ops ko nazar aati hai jin ke paas AOp ya us se ziada access ho. Aam users yeh nahi dekh saktay ke kisi channel operator ke paas channel par konsa access level hai, siwaye is ke ke wo kisi channel op se pooch lain.
3 · Agar mujhe kisi kamray ke intazamaat pasand na hon?
3.1 Mujhe pasand nahi aata hai kamray me jo bhi baat cheet chal rahi hoti hai.
Kamray ke operators kamray ka unwan aur maqsad tay kartay hain aur faisla kartay hain ke kamray mein kis qisam ki guftagu ki ijazat hogi. DALnet kamron mein kahi jane wali baaton ko censor nahi karta. Jo mozo ya baat aik giroh ke liye nagawar ho sakti hai zaroori nahi ke doosray giroh ke liye bhi nagawar ho. Agar aap ko kamray ki guftagu pasand nahi aa rahi, tau aap channel operator se darkhuast kar saktay hain ke wo content ko moderate kare. Agar channel operators phir bhi us content ki ijazat detay rahain, tau hum mashwara dain ge ke aap kamra chor kar koi doosra channel dhoond lain.
3.2 Agar mujhe aisa lagay ke kisi channel operator ne mere sath ghair munsifana rawaya ikhtiar kiya hai?
Aisi soorat mein aap kisi doosray channel operator se baat karein, ya agar channel indraaj shuda hai tau us ke Baani se rabta karein. IRC Operators channel operator ke rawayye se mutaliq tanaziaat ko handle nahi kartay.
3.3 Agar mujhe kisi channel se ghair munsifana taur par kicked ya banned kar diya jaye?
IRC Operators channel operator ke rawayye se mutaliq tanaziaat ko handle nahi kartay, jin mein kicks aur bans bhi shamil hain.
Har channel apne qawaneen khud tay karta hai aur us kamray ke ops faisla kartay hain ke kis ko kick ya ban karna hai. Wo kisi ko bhi kisi wajah se ya baghair kisi wajah ke kick ya ban kar saktay hain.
Aap ko kyun kick ya ban kiya gaya, is ka behtareen tareeqa yeh hai ke us specific channel operator se rabta karein jis ne yeh faisla kiya. Kick message aur channel operator ka urfi'naam aam tor par aap ki status window ki scrollback history mein mil sakta hai.
Agar aap ko wahan koi maloomat na milay, tau yeh command istemal karain /mode #channel +b . Yeh command kamray par lagay bans ki fehrist dikhaye gi. Us ban ko dhoondain jo aap ke nick!user@host mask se match karta ho aur us ban ke saath nazar aane wale op ke urfi'naam ko message karein.
Kuch channels apni ban list aam users se chhupa kar rakhtay hain. Agar aisa ho aur channel indraaj shuda ho, tau aap channel ke Baani se rabta karne ki koshish kar saktay hain. Likhein /chanserv INFO #channel taa-ke channel ki maloomat, bashamool Baani ke urfi'naam, dekhi ja sake. Agar Baani online ho tau aap usay seedha message kar saktay hain, ya agar aap ka urfi'naam indraaj shuda hai tau usay memo bhej saktay hain.
Is mazmoon ke baray main apni ra`ay hum ko bhaayjain (Sirf!Kisi madad ki zarorat nahi!) to docs@dal.net. Agar app in dastaveezaat main kisi bhi mozoo par help chahtay hain jo kay mukalmal nahi hoeen,Bara`aay meherbani yeh link visit karain http://help.dal.net.