MemoServ Ki Tafsilat

1 · Zaruriaat

Yahan kuch bunyadi zaruriaat puri karni hoti hain, is se pehle ke aik sarif DALnet ki MemoSev ka istemal kartay huye memos bhejne aur wasool karne ke qabil ho sakay. Yahan us mein se jo sab se ziada zaruri hain unki fehrist yahan pesh ki ja rahi hai:

Memo bhejne walay aur wasool karne walay dono ke hi urfi'naam darj shuda hone chahiyen. Memo bhejte wakt bhejne walay sarif ko darjshuda urfi'naam ka hi istemal karna hoga. Wasool karne wala sirf uswakt hi memo parhne ke qabil hoga jab wo usi darj shuda urfi'naam ka istemal kar raha hoga, jis par memo bheja gaya hai

Memo ke zariye bheja jane wala pegham 255 huroof se ziada nahi hona chahiye. Ye yaad rahay ke memo bhejne ka maqsad kisi ke liye aik fauri aur mukhtasar pegham chorna hai. Agar aap kisi ko lambay lambay msgs bhejna chahtay hain tau hum aapko tajweez kartay hain ke aap us shakhs ka email address le lain take mustaqbil me bazariya email aap un se rabta qayam kar sakain. Yaqinan, ye mumkin ke ke aap kai memos ke zariye apna pura pegham agay bhej saktay hain. Taham, 2 se ziada memo karne parain tau behtar hai ke iske bajaye email bheji jaye.

Agarchay, memo ka nizam aik kaaramad khasoosiyat hai jis se bahut sarfeen faida utha saktay hain, phir bhi hum samajhtay hain ke kuch aise sarfeen bhi hain jo har wakt memos ki waja se tang nahi hona chahtay. Isliye,DALnet ke paas aik option hai jo ke malik(sarif) ko ikhtiar deta hai ke wo memo wasool karne ki sahoolat ko turn off kar sakay, bataye gaye urfi'naam ke liye. Agar kisi urfi'naam par ye ikhtiar ON kiya gaya hai, tau aap usko memo bhejne ke qabil nahi hone. Is feature ka baad mein isi dastawez mein tafseel se ihaata kiya gaya hai.

Memo bhejne ke liye yahan kuch aur zaruriaat bhi hain, taham, wo ziada tar kuch makhsoos commands ke liye hi hain, isliye unko sirf un commands mein hi cover kiya jaye ga jo is se mutasir hongi.

2 · Memos Bhejna

Yahan 3 terha ke memos hain, Zaati memos, channel memos aur Global memos. Global msgs ka hawala MemoServ NEWS ke taur par bhi diya jata hai aur DALnet intizamia ki taraf se bheje jane wale memos ke taur par bhi. Ye feature mazeed aagay isi dastawez me cover kiya jaye ga.

Zaati memos sirf aap ko bheje jatay hain, jabke channel ko bheje jane walay memos bataye gaye channel mein mojood Ops or SOps ko bheje jatay hain, Jab aik channel ko memo bheja jata hai tau memo ki naqal khudkaar tariqay se kamray mein mojood tamam AOp/SOp/Manager ko bhej di jaye gi

3 · Memos Ko Parhna

Jab aap pehli baar apna nick istemal karain gay to MemoServ aap ko batayega agar aap ke liye koi memos mojood hon.

-MemoServ- You have 1 new memo. To list them, use: /msg MemoServ@services.dal.net list

Yeh hamein aglay command tak le jata hai. MemoServ LIST command aap ko apnay nick par bhejay gaye memos ki fehrist dekhne deti hai. Is mein sender ka nick, memo number, bhejnay ka waqt aur memo ka mojooda status (new, read ya deleted mark kiya gaya) dikhaya jata hai.

/MemoServ list

MemoServ LIST sirf pehlay 20 memos dikhayegi. Baqi memos dekhne ke liye kuch memos delete karne pad saktay hain. Aap STARTPOINT option bhi istemal kar saktay hain. Misal ke taur par memo 5 se fehrist dekhne ke liye:

/MemoServ list 5

Yeh memo 5 se memo 25 tak ki fehrist dikhayega. STARTPOINT us waqt kaam aata hai jab aap kuch arsay tak ghair mojood rahay hon aur bohat se memos milay hon.

Memo ka asal matn dekhne ke liye READ command istemal hoti hai. Syntax:

/MemoServ read memo number

Jaisa ke pehlay bataya gaya, memo number MemoServ LIST ke output mein dikhaya jata hai. Misal:

/MemoServ read 1

Agar aik se ziada memos milay hon to aik waqt mein kai memos parhay ja saktay hain. Misal:

/MemoServ read 1,2,3

ya

/MemoServ read 1,3,5

ya

/MemoServ read NEW

Jab memo number ki jagah NEW diya jaye to pehlay 10 naye memos dikhaye jatay hain. Isi command ko dobara istemal karke aglay 10 naye memos dekhe ja saktay hain, aur isi tarah aagay.

Note: Tamam memos 30 din ke baad delete kar diye jatay hain, chahe parhay gaye hon ya nahi. Aik waqt mein aik nick ke liye kul 50 memos mehfooz kiye ja saktay hain.

4 · Memos Ko Hazaf Karna

Jab aap aik memo parh laitay hain aur ab aapko mazeed iski zarurat nahi hai, tau aap isko hazaf kar saktay hain. Memo ko hazaf karne ka amal filhal 2 steps par moheet hai. Pehle isko hazaf karne walay memos ke taur par mark karna aur phir doosre step mein isko mitana/saaf karna.s

DEL ki command apko ijazat deti hai ke aap aik ya aik se ziada memos ko hazaf karne ke liye mark kar sakain. Memo ko hazaf karne ke liye mark karne ke baad bhi aap memo ko dekh saktay hain jab tak ke usay mita nahi diya jata. DEL command ka syntax ye hai:

/MemoServ del memo number(s)

Misal Ke Taur Par:

/MemoServ del 1
/MemoServ del 1,2,3
/MemoServ del 1,3,5

Jaisa ke aap dekh sakte hain DEL ki command taqriban READ command ki terha hi kaam karti hai. Ye mazeed aik option bhi rakhti hai jo ke READ command ke paas nahi hai:

/MemoServ del all

ALL ka switch tamam memos ko hazaf karne ke liye mark kar de ga aur unko mita bhi de ga. Aik bar jab aap ye command istemal kar lain ge tau is ko wapis laine ka koi tariqa nahi hoga. Is ke baad memos kahin bhi mehfooz nahi rahain ge. Agarchey aap un memos ko undelete kar saktay hain jin ko aap ne aik number ke sath hazaf kiya hai:

/MemoServ undel memo number(s)

Misaal Ke taur Par:

/MemoServ undel 1
/MemoServ undel 1,2,3
/MemoServ undel 1,3,5

Aik memo mazeed 2 aur tareeqon se bhi mitaya ja sakta hai. Tamam hazaf kiye jane walay memos mita diye jaen ge jab aap apna urfi'naam istemal karna band kar dein ge. Aap khud se bhi MemoServ ko bata sakte hain ke wo aap ke hazaf kiye gaye memos ko mita de PURGE command ka istemal karte huye.

/MemoServ purge

Aik baar phir, jab aik memo mita diya jaye, tau wo dobara dastiab nahi hoga. Isliye bara-e-maherbani is command ka istemal bahut ahtiat se karain.

5 · Memos ko nazar andaz kerna

ab se ap kisi bhi makhsoos user/mask ko rok sakty hain ap ko memo bhejny se

Commands istamal kerny ka tareeqa ye hai:

/MemoServ ignore add nick or mask
/MemoServ ignore del nick or mask
/MemoServ ignore wipe
/MemoServ ignore list

Pehli command ap ko kisi nick ya mask ko ap ki memo nazar-andaz fehrist(ignore list)mein shamil kerny ki ijazat deti hai. Aur phir wo user ap ko phir se koi memo nahi bhej saky ga.

Doosri command ap ko ijazat deti hai kisi nick ya masks ko apni nazar-andar fehrist(ignore list) se khatam kerny ki.

Teesri command ap ko ijazat deti hai nazar-andaz fehrist(ignore list) ko mukammal tor per saaf kerny ki. Sabhi nicks aur masks bilkul saaf ho jain ge aur sab log ap ko phir se memo bhej sakein ge.

chothi command sarfeen ko nazar andaz ki fahrist kay indaraj ko check karnay ki ijazat deta hay.

Ap nazar-andaz fehrist(ignore list) mein 50 nicks ya maska add ker sakty hain, Kamry ki taraf se bhejy jany waly memos bhi nazar-andaz ker diye jaain ge, ager wo shakhs jo ap ko memo bhej raha hai aur wo ap ki memo nazar-andaz fehrist(ignore list) mein hai to.

6 · Memos Ko Dosray Urfi'Naam Par Wasool Karna

Agar aap ke paas doosra registered nick bhi ho to mumkin hai ke aap us ke tamam memos apnay primary nick par hasil karna chahein, taa-ke memos parhnay ke liye baar baar nick tabdeel na karna paray. Isi kaam ke liye FORWARD option hai. Yeh MemoServ ko batata hai ke aik nick par anay walay tamam memos khud-ba-khud doosray nick par forward kar de.

Tareeqa yeh hai:

/MemoServ FORWARD
/MemoServ FORWARD -
/MemoServ FORWARD NICK anygoodpassword

Pehli command batayegi ke aap ke mojooda nickname par forwarding ON hai ya nahi.

Doosri command aap ke mojooda nickname ki forwarding OFF kar degi.

Teesri command aap ke mojooda nick ke memos NICK par forward karegi. Jis nick par memos forward karne hain us ka password aap ko maloom hona zaroori hai.

7 · MemoServ Ba'toor Khabrain

MemoServ Ba'toor Khabrain wala memo DALnet walo ki taraf say aap ko maloomat bhejnay k liyeh istemal hota hay jo k services main Ahham tabdeeliyo k baray main hota hay, inko Global Memos bhi kehtay hain.

jessa k iskay naam say hi pata chalta hay, Global memos sirf registered Urfi'Naam per hi bhejay jatay hain yeh or baat hay aap nay FORWARD or NOMEMO On kia huwa ho. is ki yeh khasiyat hain.

aap yeh istemal kar sakty ho /MemoServ news command naie maloomat k liyeh.isko parhny k baad yeh memo khud'ba'khud khatam hojayga. agar aap read nahi karty too yeh aap ko tang karta rahayga or aap ko issey parhna hi parega :P

iski wajah say, yeh memo sirf khaas ashaat per hi bheja jata hay purani ashaat is per mojood hay https://www.dal.net/news .

8 · Memo Wasool Na Karna

Doosri commands ke baraks, NOMEMO option MemoServ ke bajaye NickServ ke zariye set hoti hai. Yeh nick se mutaliq feature hai aur NickServ SET commands ka hissa hai.

Command bohat asaan hai. Do possibilities hain:

/nickserv set nomemo on
/nickserv set nomemo off

Yeh commands NOMEMO option ko mutarattib taur par ON aur OFF karti hain. Yaad rakhain NOMEMO option FORWARD option par ghalib hoti hai. Forwarding nick listed honay ke bawajood agar NOMEMO ON ho to memos forward nahi honge aur foran refuse kar diye jayenge.

NOMEMO commands istemal karne se pehlay apnay nick par identify karna zaroori hai, warna setting tabdeel nahi hogi. Aap /identify password ya /quote identify password ke zariye identify kar saktay hain.

9 · BadSulooki

Har cheez ki tarah memos bhejna bhi DALnet ke qeemti resources istemal karta hai. DALnet MemoServ ka flooding, harassment ya advertising ke liye ghalat istemal bardasht nahi karta.

Kisi bhi waqt jaan-boojh kar memos ke zariye doosray users ko flood karna mana hai. Is mein aik hi matn ke baar baar memos ya sirf tang karne ke liye be-maani matn walay memos bhejna shamil hai.

Baar baar pareshan karne walay memos bhi DALnet policies ki khilaf warzi hain. Is mein musalsal dhamkiyan, floods ya zabani badsulooki shamil hai.

Aap MemoServ ke zariye apnay channel, website ya script ki advertising doosray users ko nahi bhej saktay jab tak aap ko yaqini taur par maloom na ho ke unhen is par aitraz nahi hoga. Dost ko channel ka zikar karna theek ho sakta hai agar aap yaqeen se jantay hon ke usay bura nahi lagega, lekin ajnabi ya aam waqif logon ko ghair-darkhwasti advertisements bhejna jaiz nahi.

Jurm ki shiddat ke mutabiq khilaf warzi par warning, network ban, nick freeze, services ignore ya user ke ISP (Internet Service Provider) ke abuse department ko email ki ja sakti hai.

10 · BadSulooki Ki Khabar Dena

Agar MemoServ se mutaliq services abuse ka shikar huay hon to CSop (Channel Services Operator) ya SAbuse (Services Abuse) Team ko report karne ki hidayat di jati hai.

Badqismati se logs ko asani se jhoota banaya ja sakta hai. Is liye sirf incident ka log report ki sachai sabit karne ke liye kafi nahi. Agar aap offender ke khilaf karwai chahtay hain to darj-zail sharaait puri karna zaroori hai.

Sab se pehlay memo(s) delete na karain. Yaad rakhain, agar memo deleted mark kar diya gaya ho to aglay martaba nick istemal karne par woh mojood nahi rahega. Memo ko MemoServ LIST mein nazar ana chahiye.

Is ke baad do raste hain. Aap DALnet SAbuse Team se rabta kar saktay hain ya khud kisi CSop ko talash kar saktay hain. SAbuse Team ka email hai sabuse@dal.net . Waqia ki mukammal tafseel aur milay huay memo ki copy bhejain. Yeh bhi likhain ke memo abhi mojood hai aur delete nahi kiya gaya. Waqia verify karne ke liye SAbuse Team ke member ko aap ka nick istemal karke us par identify karna par sakta hai, is liye report verify karne ke maqsad se is ki ijazat ka mukhtasir zikar karna mufeed hoga. Agar koi aur mutaliqa logs hon to woh bhi shamil kiye ja saktay hain.

Agar aap foran kisi ko talash karna chahtay hain to tamam CSops ki fehrist /motd services.* se mil sakti hai. IRC Operator talash karne ke baray mein mazeed malumaat: http://docs.dal.net/docs/findoperur.html .