Windows ko Trojans say Bachana

1 · Trojans kia hota hay?

Trojans aisey programs hotay hain jo user ko unki mojoodgi ka pata huay baghair computer par chaltay hain aur kisi bahar ke shakhs ko computer istemal karne ke liye kisi qisam ki rasai detay hain. Technically yeh viruses nahi hotay, lekin yeh unhi malicious programs ki category mein aatay hain jo user ki ijazat ke baghair computer par chal saktay hain. Trojans ki bohat si qisamain hoti hain, lekin aam tor par yeh doosron ko network ke zariye computer istemal karne, computer par programs chalane, ya hard disk par mojood data tak rasai hasil karne detay hain.

2 · Aap ko Muht`aat kio hona chahiyeh?

Cable aur DSL technologies is liyeh khas hain ke yeh home PC ko high-speed, hamesha-on connection deti hain. Cable/DSL ki yehi speed aur hamesha-on nature crackers ko mutawajjah karti hai. Agar aap muht`aat na hon to woh door se aap ke computer ka control hasil kar saktay hain, aap ka data chori kar saktay hain aur hatta ke aap ke PC ko doosri machines par shadeed hamlay karne ke liye istemal kar saktay hain - aur yeh sab aap ko pata huay baghair ho sakta hai.

Agar aap ke paas cable ya DSL connection na bhi ho, tab bhi aap ke computer mein mojood trojan files hasil karne ya doosray tareeqon se aap ke liye bohat si mushkilat paida karne ke liye istemal ho sakta hai.

DALnet Kline Team rozana is qisam ki 'hijacking' ke nataij dekhti hai. Systems compromise ho jatay hain, users ke nicknames, passwords aur doosra zati data chori ho jata hai aur unki bandwidth hamlay karne ke liye istemal hoti hai. Aksar aise bad-qismat users ke ISPs yeh maan'ne se inkar kar detay hain ke machine compromise hui thi aur zimmedari seedhi subscriber par dal detay hain, jis ki wajah se service disconnect ya restrict bhi ho sakti hai.

Team DALnet par is maslay ko control karne ke liye jo kuch kar sakti hai kar rahi hai, lekin unhein aap ki madad chahiyeh. Har trojanised PC network par hamlay ka mumkin gateway hai aur malicious niyyat rakhne walay log inhein is aur doosray maqsadon ke liye aksar istemal kartay hain. Hamlay compromised machines se launch kiye jatay hain aur team ke liye asal source ka pata lagana bohat mushkil, agar namumkin nahi, hota hai.

Bar`hal, ziada tar trojans ko talash karna aur remove karna user ke liye asan aur jaldi hota hai. Neechay hidayaat di gai hain ke kya karna hai aur kuch madadgar software packages ke links diye gaye hain. Bara-e-maherbani chand minute nikal kar apna system check karein. Badtareen surat mein aap ke sirf das minute zaya honge, aur behtareen surat mein aap system compromise ki pareshani aur mumkin kharch se bach sakte hain.

3 · 10 Minute System Hifazati Iqdaam

• Sab se pehle, yaqin dihani kar lijye ke system saaf hai. Phir aik Trojan Scanner download kar ke run karain - ye aap ke Windows system mein mojood Trojans ko dhoond kar khatam kar de ga https://www.avast.com/c-trojan

• Agay, agar aap ka virus scanner up to date nahi hai to usay update karein aur full scan chalayein. Virus scanners ziada tar trojans ko bhi detect kartay hain aur unhein install honay se rok detay hain. Yeh aap ko doosray bohat se viruses se bhi bachate hain jo ghalti se aap ke system mein aa saktay hain. In ka up to date hona zaroori hai, is liye manufacturer ki homepage par ja kar apne scanner ko baqaidgi se update rakhein.

  Yeh kuch virus scanner companies ki homepages hain:

  McAfee, http://www.mcafee.com

  Norton, http://www.norton.com

  Trend Micro, http://www.antivirus.com

• Ab apni machine ke kisi bhi 'open door' ko band karein. Bara-e-maherbani http://www.grc.com par ja kar apna system test karein. Mumkin hai ke aap ko netbios ports khuli hui milen, jinhein aap ke PC par hamla karne ke liye istemal kiya ja sakta hai. Website par is security hole ko band karne ki hidayaat mojood hain.

• Windows users ke liye mashwara hai ke apna computer safe mode mein chala kar scan karein. Bohat se viruses aur trojans safe mode mein asani se detect ho jatay hain kyun ke us waqt trojan ghair-fa'al hota hai.

• Akhir mein, desktop firewall install karne par ghour karein. Yeh logon ko aap ki ijazat ke baghair Internet ke zariye aap ke PC tak rasai hasil karne aur computer par trojans install karne se roktay hain. Firewalls kya hain, kesay kaam kartay hain aur kaun se achay, buray ya bekaar hain, is ki listing aur review yahan mojood hai: http://grc.com/su-firewalls.htm .

  ZoneAlarm, yahan se https://www.zonealarm.com , zaati istemal ke liye hai aur isay setup karna bhi bohat asan hai.

• Ab aap ka system trojans aur viruses dono se azaad hona chahiyeh aur umeed hai ke isi tarah mehfooz bhi rahega.

4 · Maloomati Zara`ey

https://www.dal.net/kline (DDOS hamlon ke baray mein maloomat)