Kuch sadharan avashaktaaein hai jiske pehle koi bhi user MemoServ se memos bhejna shuru karein, woh kuch is prakar hain:

Memo bhejne wala aur receive karne wala dono ke nicknames registered hona jaroori hain. Jab user memo bhejta hai toh uska nickname registered ho. Waise hi jab receiver memo receive karta hai toh uska bhi nickname registered hona chahiye.

Koi bhi message jab memo dwara bheje jaate hain toh woh 255 characters se adhik nahi hona chahiye. Yaad rahe, memo ka matlab ek chota sa note hain. Agar aap lambe message bhejna chahte hain toh Email ka istemaal karein na ki memo ka. Aap apne message ko 2 memo mein bhi baat saktein hain, par sojjhav hai ki email karein toh behtar hoga.

Jyada tar logon ko memo feature pasand hota hai, par kuch aise bhi log hain jinko bar bar memo receive karna pasand nahi hota Is kaaran se DALnet unhe memo OFF karne ka vikalp bhi pradan karta hai, Yeh feature aage jaake visthar mein hum dekhenge niche jaake.

Kuch aur avashaktaaein hai jiske pehle memo bhej saktein hai aap, unhe hum dekhenge kaise woh memo bhejne par prabh daal sakte hain aage jaake.

Memo teen tarike ke hote hain. Personal memos, channel memos aur global memos. Global memos ko kayi baar MemoServ NEWS bhi bola jaata hai aur yeh sirf DALnet Administration ke dwara hi bheje jaate hain. Yeh feature aage jaake hum is dastaavez mein dekhenge.

Personal memos sirf aapke ke liye hote hain, waise hi channel memos AOps, SOps aur Managers joh channel ke hote hain unke liye hain. Ek message duplicate hoke saare channel ops ko milte hain.

Personal memo aise bheja jaata hain:

Udharan:

Jahan par "PeanutButterLover" woh insaan hain jise hum yahan par memo bhej rahe hain.

Channel memos bhi isi principle par kaam karta hai. Haalaki, har vyakti channel memo nahi bhej sakta. Jab channel pehli baar register hota hai toh, default access level memo bhejne ke liye AOp set hota hai. Iska matlab koi bhi AOp baaki saare channel ops ko memo bhej saktein hain. Iske saath hi AOps, SOps, Managers aur Founder bhi memos bhej sakenge. Kaafi baar aisa hota hai ki memo level Founder par set hota hai. Is samay sirf Founder hi poore channel ko memo bhej sakta hai baaki aur koi nahi. Agar memo level SOps par set hai, toh SOps ya upar access level ke log hi channel memo bhej payenge.

Udharan ke taur par:

Upar wala memo saare AOps, SOps, Managers aur Founder ko jaayega. Agar aap sirf channel ke SOps ko bhejna chahenge toh, yeh karein:

Example:

Channel memos bhejne se pehle, achi tarah soch vichar karlein. Agar yeh jyada tar logon ko bura nahi lagta toh aap channel memos bhejein. Aap jyada se jyada 5 memo bhej sakte hain ek vyakti ko. MemoServ aapki aage ki saare memo ko radh kardega bhejne se.

Har ek memo 255 characters se adhik ka na ho. Agar hota hai toh, memoserv aapko warning dega aur kam karne ke liye kehega. Niche dekhe udharan ke taur par jahan hum 288 characters ka memo bhejne ki koshish kar rahe hain, aur memoserv humein 33 characters kam karne ka soojhav de raha hai.

Jab aap pejli baar apna nickname istemaal karenge, MemoServ aapko batayega ki koi memos padene liye hain ya nahi.

Abh hum chalte hain dusre command par. Jaise naam padkar hi pata chalta hai, MemoServ LIST command aapko memos ki soochi dikhata hai. Yeh bhi batata hai kisne memo bheja hai, uska number, samay jab bheja gaya aur uska status (naya, pad liya gaya ya deleted).

MemoServ LIST command apko pehle 20 memos ki soochi dikhaeyga. Agar aapko aage ke memos padne hai toh, toh kuch memos delete karne honge. Aap STARTPOINT vikalp ka istemaal bhi kar sakte hain apne memos ko padne ke liye. Udharan ke taur par:

Yeh command aapko memos dikhata hai 5 se lekar 20 tak ke. Agar aap kaafi din se bahar the aur online nahi aa paye yeh vikalp kaafi saakar sabit hoga aapke liye.

READ command ka istemaal karenge jab memo ka asal content dekhna ho. Command niche dekhein:

Jaise pehle bhi dekh kar aaye hum, memo number dekha jaa sakta hain output mein MEMOSERV LIST ke. Udharan ke taur par:

IAgar aap ko ek se jyada memo receive hue hain aur aap un sab memos ko padna chahte hain toh, toh aap unhe ek saath pad sakte. Udharan dekhein:

or

Dhyaan dein: Saare memos apne aap 30 din baad delete ho jaate hain. Fir chahe aap unhe padein nah padein. Ek saath ek nickname 50 memos apne paas sambhal ke rakh sakte hain.

Ek baar pada hua memo agar rakhna nahi chahte aap toh use delete kar sakte jain. Delete karna kisi bhi memo matlab do steps se gujarna. Pehle woh delete hota hai aur fir purged.

DEL command aapko ek ya ek se jyada memos delete karne deta hain. Deleted memos aapko tab tak dikhenge jab tak aap unhe purge nahi karte. DEL command ka syntax hai:

Udharan ke taur par:

Yahan agar aao dekhein toh, DEL command ussi tarah kaam karta hai jaise ki READ command. Haala ki DEL command ek aur kaam karta hai joh READ nahi kar pata, aur woh yeh hai:

ALL switch istemaal karne pe saare memos ek saath delete aur purge hojaate hain ek saath. Ek baar yeh command chalane par wapas nahi jaya ja sakta, aur memos wapas nahi la sakte.

Koi bhi memo do tariko se purge hote hain. Saare memo delete aur purge ho jaate hain jab aap apna nick istemaal karna band kar dete hain, ya fir aap command dwara unhe purge kar saktein hain delete ke baad.

Ek baar purge chalane par, woh memo firse wapas nahi la sakta koi bhi. Is kaaran ourge bade hi sambhal kar istemaal karein.

Abh users dusre logon ko varjit list mein daalkar unke memo receive karna band kar sakte hain, yeh dekhein

Syntax:

Pehla command aapko nickname ko ignore list mein daalne ka vikalp deta hai. Aap nickname ke bajaye mask bhi daal sakte hain. Is ke baad woh aapko memo nahi bhej payenge.

Dusra command aapko nicks ya masks nikalne ka vikalp deta hai aapki ignore soochi mein se.

TTeesra command aapko ignore soochi ko poori tarah saaf karne ka vikalp deta hai, fir usmein chahe nickname ya masks ho(ya fir dono hi hon). Iske baad koi bhi aapko memo bhej payega.

Chautha command aapko apni ignore soochi dekhne dega.

Ignore soochi aapko jyada se jyada 50 enteries daalne deta hain. Agar koi apke ignore soochi ka hissa hai aur channel share karta hai aapke saath, toh use bheje hue channel memo bhi aap ko deliver nahi honge.

Agar aap ek se jyada nickname rakhte hain, toh memoserv aapko saare memos ek nick par forward karne ka vikalp pradan bhi karta hai. Isse aapko baar baar alag alag nicknames mein login karkar baar baar memos padna nahi padega, aur aape ek primary nickname par saare memos pahunch jayenge. Is karan FORWARD wala vikalp bana gaya hai.

Syntax hai:

Pehla command yeh batata hai ki forward vikalp ON hai ya nahi.

Dusra command forwarding off karne ke liye bana hai. (current nickname ki forwarding)

Teesra command forwarding ON karta hai aapke current nick se dusre nick par. Aapko us nickname jispar aap saare memo padna chahte hai uska password pata hona chahiye.

MemoServ NEWS articles hote hai joh DALnet administration dwara bheje jaate hai taaki woh users ko jarrori badlavon ke baare mein soochit kar sakein. Unhe global memos bhi bola jaata hai.

Global Memos saare nicknames ko milta hai, fir chahe aapne NOMEMO ON rakha ho ya fir FORWARD. Global Memo in saarein vikalpon ke upar hain.

Aap yeh command istemaal karein /memoserv news koi bhi news article ya global memo ko padne ke liye. Padne ke baad woh apne aap delete ho jaate hain. Agar aap unhe nahi padte ho MemoServ aap ko barbar yaad dilata rehta hai jab tak aap usse pad na lein.

MemoServ NEWS articles kaafi durlabh hote hain aur tabhi bheje jaate hain jab jarrorat ho. Purane articles aap yahan pad saktein hain. http://www.dal.net/news .

Waise toh yeh vikalp memo se juda hai, par NickServ dwara chalaya jaata hai kyunki mana jaata hai ko yeh nickname se juda feature hai aur uska hissa hona chahiye.

Yeh command ke niche dekhein, iske do tarike hain ON and OFF:

Yeh aapko NOMEMO ON aur OFF karne deta hain. Yaad rakein NOMEMO vikalp FORWARD ke upar kaam karta hai.

Jaruri hai ki aap identify karlein apne nickname ko, NOMEMO vikalp ko istemaal karne se pehle. Nickname identify karne ke liye yeh karein. /identify password ya /quote identify password dusre clients par

MemoServ istemaal karna matlab DALnet ke resources ko sahi tarike se istemaal karna. Agar aap koi abhadr bhasha ka istemaal, flooding, advertising, spamming karte hue paye gaye toh parinaam bura ho sakte hai.

Kisi bhi roop mein apne doston aur dushmano ko memo flood se tang karna ya bar bar bhejna, aisa koi bhi kaam nah karein.

Bar bar bheje hue tang karne wale memo DALnet policies ki ulangna maane jayenge. Fir chahe woh dhamki dena, flood karna ya abhadr bhasha ka istemaal karna ho.

Kripa karke MemoServ ka istemaal apne channel ko advertise karne ke liye na istemaal karein. Agar aapko pata hai ki dusre is se tang nahi honge toh hi aap yeh karein.

Upar bataye gaye cheezon ko karne par aap network bans, nickname freeze ho jaana, ISP ko shikayat dena in sabhi ke shikar ho sakte hain.

Agar aap kisi bhi services ulanga ke sikhar hai, MemoServ ko ginte hue, toh aap iski shikayat karein kisi bhi CSop (Channel Services Operator) ya SAbuse (Services Abuse) Team ke saath.

Aaj kal logs ko nakli banana aasan baat hai, Isliye hum unpar vishwas kam rakhne lagein hain. Is karan aap shikayat karne ke liye yeh jaroori cheezon ko dhyaan mein jarur rakhein.

Sabse pehle ton aap woh memo delete na karein jismein aapke paas saboot hai.

>Yahan se aapke paas do vikalp hain. Ya toh aap koi CSOp ko dhundkar unhe apni samasya batayein. Ya fir SAbuse team ko likhein is pate par sabuse@dal.net . Yaad rakhein ki aap poori ghatna ki jaankari ache se likhein aur memo ki copy bhi usmein daaldein. SAbuse aapki di hui jaankaari padne ke baad, apke nick ko identify kar kar memo pad sakta hai. Isliye agar aap usmein yeh bhi likh dein ki aap ko koi aapati nahi hogi isse so bahut acha hoga.

Saare CSOps aapko is tarah dikh jaayenge /motd services.* . Kisi bhi IRC Operator ko kaise dhund saktein hai, iski jaankari yahan par padhein http://docs.dal.net/docs/findoper.html .