DALnet ke NickServ Registration ki Prakriya sps ssingh@ssingh.org 2018-03-06 h AHFR@Email.com 2017-04-23 Fredfred Fredfred@dal.net 2015-03-21 eDdYk0nG eddykong87@yahoo.com 2008-01-18 LadyDana ladydana@dal.net 2000-11-22 Wizzu wizzu@dal.net 2000-10-01 Kzoo kzoo@dal.net Wizzu wizzu@dal.net 2000-10-01
Parichey

Yeh dastaavez aapko nickname registeration ki prakriya se waakif karvayega. Iske saath saath dusre commands ke baarein mein aur koi bhi saval email requirement ke prati ho, toh woh bhi is daauran duur kiya jayengi yahan par(niche dekhein).

DALnet nickname (nick) registration ek teen kadamon tahit poori ki jaani waali prakriya hain. CAPTCHA ki prakriya. Ek email address set karna jarooir hai nickname ke tehait. Nickname registrations ki 72 ghanton tak pushtit karni hoti hain warna woh expire hojate hain. Is karan varsh ek vaidh email address dena jaroori ban jata hai.

Yeh dastaavez aadharit hai #ServHelp session par joh DALnet Events team dwara aayojit hai - http://help.dal.net/events/ .

Nick kaise register karein

Dhyaan dein: DALnet Nick Registration Service (NickServ) mein abh thodi si tabdeeli ki gayi hai jahan aapko ek "text captcha" poocha jayega NickServ REGISTER request ki prakriya poori karne ke pehle. Udesh saaf hai, ki yeh pata chale - ki insaan hi yeh nickname lene ki koshish kar raha hai aur na ki koi script ya bot. Poorane dino mein hum yeh dekhte aayein hain ki, bots nicknames aur channels lene ki koshish karte rahein hain, aur fin unhe pakad kar rehte rahe. Yeh ek nishpaksh tarika nahi hai ki koi bot ek nickname ya channel lele jo ek aadmi lena chahta tha. Isliye, CAPTCHA ek aisa program banaya gaya joh humans hi paas kar payenge. Sabse samanay paridrshy hai jahan aapko ek shabd diya jayega, jismein uska uttar chipa hain. Agar aap sahi uttar de dete hain toh NickServ aapko apne email address ka AUTH code bhejta hai. Yeh code ko aapko istemaal karke Nickname Registeration ki prakriya ko poora karna hota hain. Sawal ya CAPTCHA har hafte badli hote rehte hain.

Nickname registeration ka command hai:

/nickserv register password email address

User ko ek notice milta hai sawal ke saath jisse use uttar ke roop mein dena hota hai.

/nickserv register password email address answer

Udharan:

/nickserv register PeanuttyButteryPass12 janet@peanutbutter.ca -NickServ- Before you can register the nick PeanutButterLover, you need to answer this question: -NickServ- Mark's name is? -NickServ- To answer, type: /msg NickServ@services.dal.net REGISTER PeanuttyButteryPass12 janet@peanutbutter.ca answer_here -NickServ- For more information, please visit http://www.dal.net/kb/view.php?kb=188 or join the DALnet Official Help Channel #DALnetHelp, #IRCHelp and #Help /nickserv register PeanuttyButteryPass12 janet@peanutbutter.ca Mark

Where PeanuttyButtery12 yahan Password hai, janet@peanutbutter.ca ek valid email address hai, Mark hai uttar us sawal ke jawab ka.

Kaafi cheezon ka dhyaan rakhna padta hai password chunne ke pehle. Hamne is vishey mein ek achi guide likhi hai, usse yahan jaroor padein http://docs.dal.net/docs/passwordshi.html aur jyada jaankari haasil karein.

Aapko apna nickname confirm karna padega jiske uparant hi aap baaki nickserv aur chanserv se judi sevayein ka labh utha sakenge. Isliye aap ek valid email address chune. Kripeya dekhein adhik jaankari ke liye.

Nick ko kaise identify karein

Aapko nickname apna hamesha identify karna padta hai taaki aap services ke saath apni access ka labh utha sakein. Do tarike hain identify karne ke:

/msg nickserv@services.dal.net identify nick password /nickserv identify nick password

Aap nickname koi dusre nickname ko bhi identify kar saktein hain bina use use kiye. Agar aap sirf apna current nickname identify karna chahte hain toh nick parameter ko hata sakte hain. Udharan:

/msg nickserv@services.dal.net identify PeanuttyButteryPass12 /msg nickserv@services.dal.net identify PeanutButterLover PeanuttyButteryPass12 /nickserv identify PeanuttyButteryPass12 /nickserv identify PeanutButterLover PeanuttyButteryPass12

Anya tarike identify karne ke NickServ ko

/quote nickserv identify nick password /identify nick password /services identify nick password

Pehle command ke saath, nick parameter optional hai agar aap ka udesh sirf us nick ko identify karna hai joh aap is samay istemaal kar rahe hain.

NOTE: Behtar hoga aap saare commands apne status window mein hi type karein (ya fir, agar aapke IRC client mein status window nahi hai toh, koi aur jagah jaise ki message window ya fir aisi jagah joh channel na ho taaki aap galti se apna password kisi ko na type karte hui dikhadein. Udharan ke taur par jab aap slash (/) bhul jaate hain command dete waqt.

Kisi bhi haalaat mein aap NickServ ya ChanServ ke alava kisi aur ko identify karne ki koshish na karein. Agar, aap dekhtein hain ki koi aadmi NickServ ya ChanServ nickname lekar baitha hai toh uspar vishwas na karein. Aise karne se aap apna nickname gava saktein hain. Yaad rahe apne password ko mehfooz rakhna aapki apni jimmedari hai. Aap yahan par ek visthar mein guide pad sakte hain Services ya IRC Operator impersonators par http://docs.dal.net/docs/ircimpshi.html .

Agar aap identify nahi kar paa rahe hain apne nickname ko toh yaad rakhein passwords case sensitive hote hain. Iska arth hai, NickServ upper- aur lower-case letters ko alag se pehchaan ta hai. Udharan ke taur par, "apple", "APPLE" aur "aPPLe" teeno alag passwords hain. Isliye dhyaan se sahi password ka istemaal karein, fir bhi na chale toh yeh karein SENDPASS command ki adhik jaankari yahan par hai http://docs.dal.net/docs/nickservhi.html . Woh bhi na chale toh kisi IRCop se baat karein. Kisi IRCop ko kaise dhund saktein hain iske baarein mein yahan padhein http://docs.dal.net/docs/findoperhi.html .

Registeration ko kaise confirm karein

Ek ghante ke andar, aapko ek email aayega "DALnet User Registration" us email address par joh aapne nickname ke saath joda hoga command dete waqt. Ismein aapko bola jayega ki AUTH code kaise istemaal karein, taaki aap nickname registeration ki prakriya ko poora kar sakein.

Agar aapka email client koi bhi web browser support karta hai toh, sidha link par jayein aur use dabayein(beginning with "http://users.dal.net/cgi-bin/verify.cgi?") joh email mein diya gaya hai. Agar, yeh mumkin nahi hai toh, aisa karein:

Joh email aapko bheja jaata hai usmein ek command diya hota hai AUTH code ke saath. Usse aap copy karlein apne computer buffer mein. Nahi kar sakte toh likh lein kisi kaagaz par, aur fir

Connect karein DALnet ko (irc.dal.net 7000).

Copy kiya command abh paste karein, nahi toh kaagaz par likhe hu command ko type karein.

Enter dabayein command likhne ke baad. Aapko confirmation milegi NickServ ki taraf se (kuch IRC clients par status window mein.)

-NickServ- Mission accomplished! The nick YourNick is fully -NickServ- registered. You now have access to change your nick -NickServ- settings, send memos to other users and use DALnet's -NickServ- registered user web site at http://users.dal.net

Agar aap use karte hain "/quote nickserv" ya fir "/msg nickserv@services.dal.net", toh fir baaki ka command /nickserv ke shuru hone se copy-paste karein.

AUTH code dene ki koshish karne par kisi nickname ke liye joh already confirm ho chuka hai, aap yeh notice dekhenge.

-NickServ- This nick is already fully registered.
Inactive nick ko kaise request karein

DALnet ne apni nickname expiry system mein kuch badlaav layein hain. Abh se Nicknames expire nahi honge 30 din poore hone kar. Iske bajaye, woh abh "Inactive" hojaya karenge.

Jab koi bhi nickname "Inactive" ban jaata hai, tab kisi bhi vyakti jiske paas ek saal se jyada wala registered nickname ho, woh yeh nickname request kar sakta ha, yeh niche dekhein https://users.dal.net/nick_request.php .

Jab nickname ko request ki jaata hai toh uske is samay ke owner ko email jaata hai, jisse dekh kar woh online aake apna nickname identify kar sakte hain.

Agar woh aisa nahi karte, services fir requestor ko yeh nickname register karne ka mauka deti hai.

Ek se jyaada requestor hon, toh services randomly choose karti hai kisse yeh mauka dena hai.

Q: Kitne nicknames request kar sakte hain?

A: Nicknames request karni ki koi seema nahi hai. Par yaad rakhein utne hi nicknames rakhein jitne aapko kaam aayein. Dusre bhi chahte hain ki woh nicknames le payein.

Q: Kya karein jab services ka mail aaya ho, par jab aap usse lene jayein toh kehta hai ki request expired ho chuki hai ("Your requested has already expired!")?

A: Aapko keval do din milte hain is request ko poori karne ke liye. Nahi toh fir services kisi aurko mauka deti hai.

Q: Kya mera nickname kamm se kamm ek saal tak registered hona chahiye?

A: Jee haan.

Q: Aap nickname chasers/collectors ki madat toh nahi kar rahe?

A: Hamara udesh logon ki madat karna hai. Yeh naya system logon ko mauka dega taaki woh asal mein daavedari ke liye lad sakein chasers ke saath. Pehle chasers botnet load karke nicknames chase kiya karte, aur users ko mauka nahi mil pata. Abh yeh mumkin nahi hai.

Q: Frozen nicknames ka kya?

A: Wahi prakriya frozen nicknames ke liye hai, par woh 90 dino baad inactive hote hain naki 30 dino baad, aur poorane owner ko email nahi jaayega.

Q: Un nicknames ka kya joh register nahi kiye jaa sakte ya istemaal se varjit hain?

A: Is samay yeh rules un nicknames ke laagu nahi hote, Par aage jaake hum inka kuch karegein jaroor.

Q: Mujhe ek nickname chahiye jo 30 dino tak istemaal nahi kiya gaya hai, par /nickserv info use Inactive nahi dikha raha?

A: Ya toh nickname frozen hain ya fir woh exempt kiya gaya hai. Kuch nicknames system mein expire hone se varjit kiye gaye hain aur kabhi bhi inactive nahi honge.

Q: Kya mein koi script istemaal kar sakta hun nickname request karne ke liye?

A: Nahi, yeh system sirf asli users ke liye bana hai, naki bots aur scripts ke liye.

Q: Kya koi IRC operator madat kar sakta hai nickname request karne mein?

A: Nahi, yeh poori prakriya automatic hai aur ismein IRC Operators dakhal nahi de sakte.

Q: Kya koi IRC Operator bata payega kitne log mere alava ne ek nickname request kiya hai?

A: Nahi, yeh poori prakriya automatic hai aur iski jaankari koi bhi IRC Operator nahi dekh sakta.

Q: Mein vacation par tha 2 mahino ke liye aur email dekhna bhool gaya, kya mera nickname mujhe wapas mil sakta hai?

A: Nahi, inactive nickname ke maalik ko 7 din diye jaate hai prariya toh rok kar identify karne ki. Agar woh aisa nahi karte hain, toh fir nickname kisi ek aadmi ko mil jaata hai jisne request kiya tha. (aur issi dauran nickname expire hokar firse naye tarike se register hota hai).

Q: Meine ek nickname request kiya tha, aur 7 dino baad mujhe email mila ki abh mein yeh nickname le sakta hun. Par uske uparant bhi mujhe nahi mil paya?

A: Poorane maalik ke paas 7 din hote hai, par woh 7 dino baad bhi aakar identify kar sakte hai, agar request karne waale ne apni taraf se prakriya poori nahi ki ho.

Q: Kya hoga kisi bhi channel ko agar uske founder ka nickname expire hojaye?

A: Kuch bhi nahi. Jab unka nickname "Inactive" hota hai, toh tabhi woh saari access barkarar hoti hain. Acceses tab nikal jaati hain jab koi request karkar prakriya ko poori kar leta hau. Jin channel ke koi bhi successor nahi hote, woh expire ho jaate hain. Agar successor set kiya hua tha founder ne, toh successor waali prakriya shuru ho jaati hai. (Jab tak successor ko channel nahi mil jaata, tab tak channel ka koi bhi founder nahi hota).

Nickname ka email address badalna

Kabhi agar aap nickname ke saath jude email ko badalna chahte hain, toh yeh mumkin hain.

Iska asal mein command hai:

/nickserv set email nickpass email address

Udharan:

/nickserv set email mypass123 janice@delightful.net

Dhyaan dein ki in-complete registeration wala nickname bhi apna email change kar sakte hai. Yeh two steps wali prakriya hai. Jab koi email address change request kiya jaata hai, toh ek email poorane waale email address par jaata hai jahan aapko 72 ghante miltein hai is badlaav ko rokne ke liye. Agar, yeh roka na jaye toh 72 ghanton baad apne aap naya email set hota hai aur confirmation bhi naye email par aajaata hain.

Aap set email command istemaal karke dekh saktein hai ki is samay kaunse email set/juda hai aapne nickname ke saath:

/nickserv set email
Kyun email set karna jaroori hai? Fayde ek poora registered nickname ke

San 31st October 2000 se, DALnet ne har ek regd. nickname ko ek valid email address ke saath jodna shuru kiya. Jis nickname ke saath ek valid email address nahi juda hua tha woh expire hogaye.

Kuch fayde joh nickname authorized karne se pehle hote hain:

Aap yeh kar sakte hain identify command

Aap yeh bhi kar sakte hain set email command

Aur yeh bhi drop command

Aap chahein toh, yaha bhi login kar sakte hain http://users.dal.net

Fayde joh partially registered nicknames nahi utha sakte:

Memoserv istemaal nahi kar sakte memos bhejne ke liye

Nickserv access list wala feature istemaal nahi kar sakte(yeh hai access command)

Yeh waale command uplabd nahi hain aapko: set enforce , set url , set mailblock , set noop , ghost , recover and release

Anya jaankari inn commands ke baare mein yahan payein http://docs.dal.net/docs/nickservhi.html , type karein /nickserv help jab DALnet par ho, ya fir visit karein http://www.dal.net/services .

Email dwara passwords bhejna

Mool udesh email address set karna nickname ke saath hai ki agar password bhul gaye toh email dwara mangvaya ja sakta hai. Yeh jyada bhetar tarika hai password mangvaane ka, bajaye CSOp ko convince karna ki aap hi asli maalik ho us nickname ke. Jab password mangavaya jaata hai toh woh password is samay set kiye hue email par jaata hai joh nickname ke saath juda hua hai.

Dhyaan rakehin: Aapka password aapki jimmedari hain. Kabhi bhi apna nickname ka password aur email address ka password ek hi na rakhein. Aisa karne se koi bhi aapke nickname ka password aasani se pehchaan sakte hai, agar email ka password pata ho.

Yeh password ki prakriya kaise kaam karti hai? San 12th July 2001 se, DALnet apne users ko SENDPASS command dwara password mangavane deta hai. Jis email par password mangvana hai aapko woh email address apke paas hona chahiye. SENDPASS dwara aap nickname aur channels dono ke password mangva sakte ho. 72 ghanton mein ek baar hi yeh command chala sakte hain.

EK aur security hai SENDPASS ke liye. Ek host ya IP se aap kuch gine chune baar hi password request karva sakte ho kuch ghanton mein.

SENDPASS command ka syntax yahan samjhaya gaya hai... http://docs.dal.net/docs/nickservhi.html .

CSOps password ki samasyaon ke liye hajir hai agar koi user yeh SENDPASS command na chala paye ya koi anya samasya ho unhe. Woh email address nahi dekh paayenge, par NickServ dwara SENDPASS karva de saktein hain aapke liye.

Fir se, ek baar; IRCop kaise dhundh sakte hain iske baare mein yaha dekhein http://docs.dal.net/docs/findoperhi.html .

Email address privacy

DALnet ki email privacy statement yahan dekhein http://www.dal.net/emailinfo.html . DALnet hamesha email address mehfooz rakhta hai aur kisi bhi co. ko bahar nahi baanta. Hum hamesha email addresses ko lekar satark rehte hain, agar aapko koi bhi sawal hai iske baarein mein toh upar par jaankari link padein.

Dhyaan rahe, IRC Operators SENDPASS ki madat karte samay aapka email address nahi dekh sakte. Yeh kriya automated hain.

Dusre aapka nickname se juda password nahi dekh sakte. Agar aap chahte hain ki woh dekhein, /nickserv info nick-name karte samay toh niche diye hue command ko chalayein, identify karne ke baad:

/nickserv set showemail on

Email address ko fir se chupane ke liye yeh command istemaal karein:

/nickserv set showemail off

Yaad rakhein aapka password aapki jimmedari hain. Email dikhana aapki marzi hai, par iske parinaam spam ya advertising ke shikaar bhi ho sakta hain. SENDPASS karne ke liye aapko apna email address ki jarurat padegi aur aap nahi chahenge ki aapko email address koi chura le.

Email address aisa rakhein joh aap istemaal karte hain.

"Mein apna email address aapko nahi dena chahta"

Yeh aapka haq hai. Agar aap email address nickname ke saath nahi jod sakte aur hum aapko apna nickname register karne ke liye nahi bolenge aur nahi hamare network ko istemaal karne ke liye.

Joh log apna personal email istemaal nahi karna chahte, woh internet par free email milne waale email address bhi istemaal kar sakte hain. Woh email address istemaal kar sakte hain aur fir bhool jayein, par yaad rakhein aage jaake yeh email address aapko kaam aayega.

Troubleshooting aur Frequently Asked Questions (F.A.Q.) Sawal: NickServ bolta hai ki AUTH code galat hai, kya karna chahiye?

Jawab: Sabse pehle toh aap sahi code istemaal karein. Yeh karne ke liye copy aur paste karein jitna ho sakein. Ya fir likh lein isse kahan aur dhyaan se type karein. Email ko ache se padhein, aur sahi AUTH code ko lein. Kabhi galti ho sakti hain.

Iske uparant, jab aap email address badalte hain, toh naya auth code naye email address par bheja jaata hai. Usse hi istemaal karein registeration confirmation karne ke liye.

Aap naya AUTH code bhi mangva sakte hain services se naya email adress set karkar, SET EMAIL command istemaal karkar ( ). Agar NickServ batata hai ki yeh email address maujooda set hai, toh fir kopi tarika nahi aapke paas kyunki bogus email address set karkar fir naya email address set karna na mumkin hain.

Sawal: Email address set karte waqt meine typing mistake kardi, abh kya?

Jawab: 24 ghanton ke dauran agar aapne nickname register kiya hai toh, aap isse badal payenge. Aap SET EMAIL command istemaal karein ( ) sahi email address set karne ke liye.

Aapko AUTH code sahi email address par hi aayega. Agar galat email address hua toh, use theek karke naye email address par mangvayein.

Sawal: Koi mera aadha register hua nickname istemaal karne laga, kya mein isse GHOST ya RECOVER command se wapas ke sakta hun?

Jawab: Apna email address check karein, auth code dwara nickname registeration poori karein. Iske baad aap GHOST aur RECOVER jaise commands use kar sakte hain.

Sawal: Mujhe AUTH code abhi tak nahi mila email dwara, abh kya karein?

Jawab: Iske kayi saare kaaran ho sakte hain. NickServ command dwara check karein ki aapne sahi email address set kiya hai nickname ke liye, yeh command istemaal karein

/nickserv set email

Agar email address galat hai, toh usse yeh command se theek karein:

/nickserv set email nickpass email address

Dusra kaaran ho sakta hai system mein lag. Agar kaafi jyada load hai system par toh adhiktam 6 ghante rukein yeh AUTH code apne email mein paane ke liye.

Yeh bhi ho sakta hai ki aap ek sahi email address nahi set kar rahe joh asal mein hai hi nahi. Yaad rahe email address sahi dein, aur usse sambhalk ke rakhein kyunki aage jaake woh password recovery mein kaam aata hain. DALnet ka email address valid address nahi kehlata is kaam mein. Dekhein aage ki jaankari ke liye.

Sawal: Kisine mera nickname aur email ka password chura liya hai, abh kya?

Jawab: Password security aapki jimmedari hai.

Koshish karein SENDPASS command dwara paasword mangvaane ki, is dastaavez ko padhein http://docs.dal.net/docs/nickservhi.html . Agar yeh kaam nahi karta, toh #Operhelp join karein aur IRC Operator se baat karein. Kisi aur se baat na karein is baat mein, ek baar aapko +v milne ke baad samasya batayein. IRC Operator ko dhundne ke liye, yeh dekhein http://docs.dal.net/docs/findoperhi.html .

Yeh kuch soojhav hai secure password rakhne ke liye:

Hamesha aisa password chune jismein saat se jyada character ho, upper aur lower ho aur uske saath numbers ya special characters ho.

Kabhi bhi Services waale commands kisi bhi channel mein na chalayein. Status window ka istemaal karein.

Scripts mein passwords na daalein. Agar kisi ne aapke computer ka control leliya toh script mein se password nikaal sakte hain woh.

Agar cyber cafe ya public computer istemaal kare rahe hain jaise ki library, anya jagahon par; toh dhyaan rakhein ki koi aur aapka password nahi dekh raha. Scripts ya logging waale software aapke password ko chura sakte hain.

Apna password kabhi bhi kisi ke saath na baatteyen. Sirf agar kabhi CSOp aap tak pahunche password ki sahayta ke liye, toh aap unke saath yeh kar sakte hain.