IRC Operators

Version 1.1.2


Akhri mein anoovad kiya gaya Jayu () se tarikh 2006-11-29

Akhri mein likhwaya gaya ssr () se tarikh 2004-01-29

Asal mein likhwaya gaya LadyDana () or curve () se tarikh 2000-12-17

Agar apka is document ke bare mein koi suzav ya koi mat Hoto apne suzav hame is email par bheje (sirf ! Koi madat ki Binti nahi!) docs@dal.net. Agar apke koi aise cheeze pe jankari chahiye jo is document mein likhwayi nahi gai hai To kripaya Jankari is website pe dekhiye http://help.dal.net.

Parichay

Waha IRC Operators key vishay mein anek mithako aur bhatiya hai, jo ki unki jimmedariya per aur unkey jariye commands key haq per hai. Yeah dastavez per IRC Operators ki DALnet per jimmedariya kya hai aur woh kya kar saktey hai aur kya nahi unkey bare mein bataya gaya hai. Yeah opers ki kuch mithako key bare mein ki jo aapney kahi sey suney honge woh sabhi key bare mein sahjta sey samjata hai aur yeah ek acha strot hai agar aap DALnet administrative (prashashan) sanrachna key bare mein adhik jaan na chahate ho to.

Agar aapko IRC Operator ki madad chahiye, to krupiya http://docs.dal.net/docs/findoperhi.html per jaye.

Suchi

1 · IRCop kya hai?

IRCop shabd ka matlab IRC Operator rakha gaya hai -- IRC Cop ya MIRC Cop ya inkey saman kuch bhi nahi (yeah jaruri hai ki aap IRC aur MIRC key bich ka bhed dekhey. MIRC hai woh IRC chalaney wala karyakram hai; waha per MIRC key alava bhi kai dusarey IRC chalaney waley karyakram uplabdha hai). Woh oper shabd ka ullekh bhi kartey hai.

IRCops woh users hai jiskey paas aisey commands chalaney ki satta hoti hai jissey woh unkey server ka ya network ka sanchalan sahi taur per kar sakey. Unko aam taur per IRC key barey mein adhik anubhav hota hai aur ishkey sath DALnet srunkhla aur aam users key bare mein bhi, ishliye woh ulzan bhari sthiti ko sulzane key liye yogya layak hote hey! Krupiya yeah nondh le ki woh sab apney khud key iradey sey kaam kartey hai aur unko unkey kaam key liye kuch bhi chukaya nahi jata.

2 · IRCop ki jimmedariya kya hai?

IRCop ka prathmik kaam unkey server ki dekhrekh karna, aur srunkhla ki bhi, jissey unka server waha ashani sey chalta rahey. Dekhrekh yahi, bahurupiyo ko, pareshan kareney walo ko ya samuh mein sabko jaherat karney walo ko (burey logo ko) nikalna aur leg ya netsplits (netsplits key bare mein vistar sey janney key liye http://docs.dal.net/docs/netsplitshi.html dekhey) jaisey khas ulzan ko sulzaney key liye aur server ko srunkhla sey alag karkey vapis jodney ka, inkey jaisey sabhi kaam karney hotey hai.

IRCop agar chahey to woh unka kuch samay nikal ker users ko madad bhi kartey hai. Drastant key taur per, IRCop ki madad ki jarurat ishliye hoti hai ki khas to aap aapna password bhool gaye hote ho. Yeah nondh leney jaisi baat hai ki sahi roop mein IRCop aisi sahay users ko tab tak nahi de saktey jabtak unko DALnet key sanchalako key jariye protshahan naa mila ho.

Kisi bhi server key sanchalak aapney opers ko madad karney key liye bhi kah saktey hai, lekin aisa sabhi server key malik karey aisa nahi hai. Inn sabhi server per koi bhi IRCop kisi bhi vajah sey madad key liye inkar kar saktey hai yeah unka haq hai. Krupiya dhyan de ki jyadatar IRCops apaney alag-alag kaamo mey vyast rahtey hai aur adhik waqt woh khud baat chit karney mein aur aapni khud ki rozana jindgi mein bhi vyast rahtey hai.

3 · IRCop kya nahi kartey?

Yeah aam satyata hai ki, IRCops woh nahi kar saktey jisko woh pasand nahi kartey. Opers ko apaney server aur network ki bhalai key liye chuna jata hai, jaisey ki, woh aapni satta ka sahi istmal karey ho aur niyamo ka sahi taur per palan kartey hotey hai.

IRCop kisi bhi tarah key mazak ya masti key liye channels aur nicknames ko khatam ya churana chalu nahi kartey hai. Woh jo bhi kaam kartey hai unki nondh ho jati hai aur kisi bhi burey bartav key liye bari sey saza ki jati hai. Jabki, ishka matlab yeah nahi hai ki IRCops pareshan karney wale, spam karney wale, ekk sey adhik nicks rakhney wale, services ko nukshan pahuchaney wale aur aisi hi koi dusari pareshani karney wale ko baksh de. Waha per unkey paas dusari koi vishesh shakti nahi hoti hai. Drastant key taur per, yeah mumkin nahi hai ki IRCops kisibhi dusarey vyakti key aapsi vartalap dekh sakey. Jabki aisa vikalp dusarey network per mojood hai, per DALnet per nahi.

Iska matlab IRCops waha kisi key liye nicknames ya channels ko khatm kartey nahi hai ki jo khatm honey ki tayari per hotey hai. Services naa ho uss darmiyan, woh aapko aapki channels per op nahi kartey kyoki waha per aapkey channel per key haq ko pahechana nahi jaa sakta (dusarey shabdo mein kaha jaye to, aapkey channel per op honey ki prusthi nahi ki jaa sakti). Jabki, waha aisi halat mein aapko aur channel ko pareshan karney wale aur flood karney wale sey madad jarur kartey hai.

Yeah dimag mein rakhey ki DALnet per aisa niyam hai ki channel key malik aapni channel ko aapni khud ki iccha key mutabit chala saktey hai. Phir bhale hi woh gairvyajbi ho, bus sirf yeah ki woh DALnet ki Services ko nukshan naa kar rahey ho aur inkey niyamo key dayre mein chala rahe ho. Waha per aisa koi niyam nahi hai ki channel ka malik aapkey sath sahi bartav hi karey -- Agar aapko kisi channel key raastey/niyam pasand nahi ho, to waha per dusari aur kai channels hai aapkey liye. Aisi babato mein IRCops key paas channel key nizi mamalo mein dakhal deney ka koi adhikar nahi hai.

Yeah bhi nondh karney jaisa hai ki IRCops aaptaur per channel vyavastha key mamley mein khud ko samil nahi kartey jabtak woh network key margdarshan kaa ya niyamo ka palan kartey ho. Channel per gairvyajbi kick/ban honey key masley per, bedarkar channel ops, adi key barey mein channel key malik ko sikayat karey.

4 · "Opering" kaisey kaam karta hai?

O:line (capital 'O'), kisi key global operator haq key bare mein batata hai. local operator haq key liye o:line (chotta 'o') rakha gaya hai.

Kisi khas had tak, O:line lakir hai woh IRC server (IRCD) ki banai file per likhi hoti hai. Yeah O:line key sath IRCop ki host, nickname aur password likhey jatey hai. Yeah bhi flag ka istmal karkey dikhana padta hai ki kaunsey commands ki satta unko dena hai ki jab woh /oper command ka istmal karta hai tab unko woh user modes miley. User modes key bare mein adhik jankari http://docs.dal.net/docs/modeshi.html per mil sakti hai.

Jab ki Server Administrator (malik) apani iccha sey aapney server key IRCop dal key liye kisi bhi vyakti ko pasand kar saktye hai, malik woh vyakti key liye apney server ki file per O:line likhtey hai. Ekk baar yeah lakir samil ki gai, tab woh vyakti key liye uss server per IRCop banney ka /oper command uplabdha ho jayega. IRCop ko wohi server per jodan karna padega ki jis per unki O:line likhi gai ho, kyoki dusarey kisi bhi servers per /oper kaam nahi karega.

Ishliye, IRCop sirf ekk hi server per hi server key staff hotey hai (aamtaur per yeah prathamik hotey hai). Phir bhi, woh unn servers per /oper karney ki skhamta rakhtey hai jin per unka backups liya gaya ho.

5 · IRCops key "vividh" swaroop kya hai?

Sabhi IRCops ko eek saman satta nahi hoti. Waha per unkey anek vividh kakshae hoti hai aur pratyek key paas vividh commands istmal karney ki satta hoti hai. Aam taur per kaha jaye to, jaisi taqat waisey hi adhik jimmedariya un per hoti hai (server key malik ko chood ker). Yaha nichey vividh kaksha key bare mein bataya gaya hai aur woh kya kya kar saktey hai unkey bare min sankshipt mein bataya gaya hai.

5.1 Local Operator

Ekk Local IRCop kaa jab WHOIS dekhtey ho tab yeah sirf dikhata hai ki woh ek samanya oper hai ushh server per. Woh apney server per K:lines (local server per bans) laga saktey hai, users ko apney server sey bahar nikal saktey hai aur aisey hi kuch maryadit access.

Aam taur per kaha jaye to, local opers sirf aapney hi server per satta ka istmal kar saktey hai aur dusarey server per nahi.

5.2 Global Operator

Global Operator hai woh oper per dikhai detey hai, chahey aap kisi bhi server per ho. Woh users ko aapni srunkhla sey bahar kar saktey hai, unkey ChanServ access suchi (aop/sop/count) dekhney ki satta hai, adi.

Local opers ki tarah nahi, balki Global opers apney purey network per apney commands ki satta ka istmal kar saktey hai.

5.3 Services Administator

Services Administrator hai unko SA (user mode +a) key swaroop mein bhi pahechana jata hai. Woh purey network per kisi ko bhi bans kar saktey hai. Channel per masskick, NickServ ki access suchi dekh saktey hai, channel per op baney bina hi ya channel per gaye bina hi kisi bhi channels key mode badal saktey hai.

5.4 Server Administrator

Server Administrator (user mode +A) hai woh DALnet server key malik hotey hai.Woh aapney server per key prathmik opers, aur aapney server ko thik thak chalaney key liye jimmedar hai. Waha ekk server key do malik bhi ho saktey hai.

5.5 Channel Services Operator

Channel Services Operator aam taur per CSosp kahey jate hai. Woh password bhool janey per vapis dene ya email per bhejney ki, nicknames aur channels ko sthagit karney ki, channels bandh karney ki, adi ki satta rakhtey hai.

Jabki woh password key masley per madad kartey hai, CSops woh opers hotey hai jinkey kandhey per jyada jimmedariya hoti hai. Phir bhi, waha per koi oper hai woh CSops hai yaa nahi yeah janana mumkin hai hai ya unkey (whois per bhi nahi dikhta). CSops ki suchi /motd services.* per dikhai deti hai.

5.6 Services Root Administrator

Waha DALnet per thodey hi chuninda SRAs hai aur unkey paas sabsey jyada Services per satta hoti hai. Un mein sey kuch services ko code karney wale hotey hai, aur dusarey Administrative Oversight Board (pahele Executive Board sey janey jatey the) key sadasya hai. Sahi taur per wohi dal services ko thik thak chalaney key liye aur kisi khami ko thik karney key liye mahenat kartey hai, agar aapko services per kuch khami lagey to unko bata saktey ho, Aam taur per kaha jaye to, sirf dusarey IRCops hi sirf SRAs sey salah maswara kar saktey hai.

6 · DALnet per vividh dal kya hai?

Waha DALnet per bahut sey dal hai. Jabki unmein sab sirf opers key sath nahi baney hai, phirbhi jyadatar to baney hai. Har kisi ko ekk alag-alag maksad key liye banaya gaya hai, jaisey ki mass advertising ko sambhal ne key liye, mail suchi ko manage karney key liye, webpages ko manage karney key liye, adi. Yeha kuch dal key naam rakhey gaye hai.

Waha per kuch mukhya dal hai, baki sab peta-dal hai. Drastant key liye, jo MassAds dal hai woh mukhya dal K-Line ka petadal hai.

Dal aur unkey sabhi sadasy ki puri suchi aur jankari key liye http://www.dal.net/admin/teams.php3 dekhey.

6.1 Mukhya K-Line

Mukhya K-Line dal hai woh DALnet per sabsey bada vyapak dal hai aur yeah network per koi bhi ban laganey ki jimmedari letey hai. Aisey unka naam hai: K-Line Team. Woh IPs sey judey sabhi masle per, kaunsey domain sey adhik matra mein hani pahuchti hai yeah tay karney ka aur jarurat padney per unn per karyawahi karney ka kaam kartey hai.

Mukhya K-Line key petadal yeha samil kiye hai: Clones, MassAds, Closers, Cybercafe, Exploits, Open Proxy/Wingate aur Services Abuse. Krupiya adhik jankarey key liye http://kline.dal.net jaye.

6.2 Help Committee

Help Committee ko bhi mukhya dal gina gaya hai aur inkey bhi petadal hai. Inko DALnet per unkey users ko sahay pahucha ney key liye banaya gaya hai. Mukhya dal aam taur per madad channels ko sambhal tey hai, unko naye taur tarikey aur naa sulazney wale maslo per sahay kartey hai.

Inkey petadal yeha samil kiye gaye hai: User Documentation, Events, HelpDesk aur WebTeam. Agar aap chahey to adhik jankari key liye http://help.dal.net dekh saktey hai.

6.3 Postmaster

Postmaster hai woh opers key liye mail suchi aur email aliases ko sambhaltey hai. Unka petadal, Moderators hai, ki jo kisi bhi be-matlabi sandesh ko mail ki suchi tak janey sey roktey hai.

6.4 Aazad Groups aur Teams

Waha per aur bhi ekk dal ya juth hai jinka koi petadal nahi hai. Yeah Aazad hotey hai. Jinmey Web Team, Coders, Security Team, Routing Team, Oper Training Team, Services Root Administrators, Administrative Oversight Board, adi samil hotey hai.

7 · Mein IRC Operator kaisey ban sakta hoon?

IRCop koi aisa khitab nahi hai ki jiskey liye koi vyakti darkhast kar sakey, Sirf Server Administrators (malik) hi kisi ko IRC Operator banatey hai aur woh aapni iccha sey unn logo ko banana pasand kartey hai jinko IRC per kafi arse sey woh pahechan tey ho yaa nizi jindgi mein pahechan tey ho. Ishliye, aapka makshad yadi IRCop banna hai, to aap ho sakey utana inkey kaam key bare mein jaane aur kaam jan kar niraas naa ho jaye. IRCop banna ek naukrai karney key barabar hai, naki koi prathistha ka nishan. Aapko IRCop ishliye banaya jata hai ki aap network aur inkey users ko madad karey. Agar aap sirf dikhave key liye ya jo aapko pareshan kartey ho unkey kill karney key liye oper banna chahatey ho, to yeah jaan kar hairan nahi hona ki aap kabhi oper nahi ban saktey. Yeah ek apani iccha sey madad karney wali naukari hai. Accha dikhava ek anusangik laabh hai. ;)

7.1 Samanya Mahiti

Ekk ashan jawab iss sawal ka yeah hai ki jab aap IRCop bananey key liye kahi jaa ker puchtey ho, to aap kabhi bhi nahi ban payege. Waha per aishi satta wale IRCops ki suchi ya ishkey liye darkhast karney ki koi suvidha nahi hai. Waha per sahi roop mein do raastey hai IRCop banney key liye: Ekk to apana khud ka DALnet per server chalu karey yaa kisi server key malik ko unkey server per aapko IRCop bananey ki darkhast karey. Server chalu karna jyadatar sabhi key bus ka kaam nahi hai, to dusara raasta aam taur per istmal jyada kiya ja sakta hai.

IRC Operator banney key liye sabsey khas baat janni jaruri yeah hai ki aapko insey judey sabhi kaam karney padege. IRCop banna koi bhavya shobha nahi hai. Yeah behat kathin kaam, samarpan, aur adhik sabar leta hai. Operator aapney kuch hi pal IRC per aapney dosto key sath baatchit karney key liye bitate hai, aur unko kam hi karni chahiye. Inkey saman samjey, ki pool jaa ker aap khel nahi saktey, balki aap waha kauney mein beth ker dusaro ko kheltey dekh ker hi anand lena padega.

Nondha ley, IRC Operator banney key baad aap khudko kanoon naa samjey aur naa hi kisi bhi kanoon kaa ulangan karkey DALnet key kaydey ko apney hatho mein le jaisey koi chor raat key andherey mein karta hai. Matlab ki, aapney josh-jalse key liye kisi ko mass /kill karna thik nahi rahega. Aapko agey chal ker "CSop" ya "IRC Cop" banney key liye.

7.2 Satyta

Bhootkal mein, waha per kuch channels they, jaha per admins koi achey IRCops miltey they. Aisa honey sey jald hi aisey channel "wannabeIRCops" key naam sey prachlit ho gaye jaha per sirf "IRC satta" key liye hi log aney lagey jo ki kuch bhi kaam karney yogya nahi they. Abhi, DALnet per IRCop banna bahut kathin hai, lekin krupiya yeah naa sochey ki ishka matlab aap madad nahi kar saktey. #DALnetHelp, #Help, #mIRC, aur aisey dusarey madad channels, ki jaha per humeesha acchey logo ki jarurat hoti hai ki jo kisi bhi matlab ya swarth key liye madad naa kartey ho aur naa hi O:line milney ki koi nisbat sey madad kartey ho.

Aapko aapney adhik samay mein eek hi sawalo key baar baar jawab dene hongey. Aapko sabhi tarah key sawal puchey jaa saktey hai, aur bahut sey vishyo per madad karni hogi. Yeah mumkin hai ki aap key paas sabhi sawalo key jawab nahi ho saktey, lekin tab aapko woh logo ko sahi jagah dikhani padegi ki jaha sey woh madad ley sakey, yeah to aap bilkul kar hi saktey ho. Madad karney key dauran kai log aapsey takrar bhi karege yaa aapko pareshan bhi karege, lekin aapko sabar sey kaam lena hoga, aap unko yeah nahi bol saktey ki chale jao, yaa madad nahi mil sakti, yaa 'kisi dusarey' sey madad manglo mein nahi karunga, adi - IRC Operator key paas 'koi dusara' samaj ker kisi ko bina makshad naa bheje. Aur sabhi key takrar ko dekhna chahiye (jabki yeah jaruri nahi hai) aur ho sakey to unko sulza ney ki koshish karni chahiye. Aapko log flood karney ki koshish karege, log aapko unki channels sey kick/ban bhi karege (aapko khud ko waha unban nahi karna hai). Log aapko bure naam sey bhi bulayege, log aapko gulam bhi samjege, log aapkey email per humla bhi karege, woh apkey shell khatey ko bhi churaney ki koshish karege, woh aapko galat pahechan bhi dege. To aap aisi ghatnao per gussa naa ho kar un per dhyan naa dey, aur aap tajoob anubhav karege jab yeah dekhege ki kuch log bade hi abhari kism key hotey hai. Waha per kabhi abhari log, mahan log, aur log ki jo sahi taur per samjtey hai ki aap kitna mahan kaam kar rahey ho aur aapka "sukriya" bhi kartey hai. Yeah log woh hai jo kaam aur kimmat dono ko samajtey hai. IRCop banney key baad aap eek choti si, /kill command ka istmal kartey ho. Toh yeah sabkuch eek kushal vyakti ki pahechan batatey hai ki jo dusaro ko madad kartey hai. naa

7.3 Nasihat

Aab bhi aap IRC Operator banana chahtey ho, to yeha per oper kaisey baney ishkey bare mein kuch nasihat rakhi gai hai:

1.- Vividh IRC clients key bare mein janey. mIRC hi sirf nahi, balki dusare kai clients key bare mein bhi. Aapko inkey buniyadi karyo key bare mein bata honga chahiye.

2.- Services ko kaisey chalatey hai yeah sikhey. ChanServ, NickServ, MemoServ aur HelpServ key sabhi commands key bare mein janey. Jabki hum nashibdaar hai ki woh humare pass hai, inka istmal adhik sey adhik madadgar honey key liye hai. HelpServ unsbhi helpfiles ko apaney mein samil karta hai ki jo Unix key ircII client per samarthan detey hai, aur woh jyadadatar sabhi dusarey clients per bhi kam kartey hai, dekhney mein saral. inko istmal karna pasand karey.

3.- User modes, Channel modes, aur sabsey khas, masks (nick!user@host) key bare mein janey.

4.- Jitna ban sakey untna users ko madad karey. Ishka matlab yeah nahi ki sirf ushi waqt madad karey jab IRCop hazir ho.

5.- Aap ko IRCop teh dil sey banna chahiye. Agar app prathistha key liye IRCop banna chahte ho ya kyoki IRCop banna "accha" dikhta hai.

6.- Humeesha viveki, dayalu aur manvi baney. Khudki kusalta hi ekk acchey IRC Operator ki nishani hai.

7.- Kishi bhi adhikrut bhalaman ki hui madad channels per jaa ker madad karey. Aapko turant hi op nahi nanaya jayega (ya kabhi nahi), lekin aap pramanikta sey madad karney ki koshish karengey, to aap ko bhi koi dyan mein rakhey ga aur apki bhi kadar karega.

8.- Mulbhoot raw IRC commands key bare mey janey.

Yaad rakhey: Prtyek vyakti ko oper nahi banaya jata, chahey woh kitna bhi kushal ya layak kyo naa ho. Yeah jaan kar nirash naa hovey.

7.4 Kya nahi karna..

Yeah sab chizey IRC Operator banney key liye naa karey

1.- Bahut sey server per yaa madad channels per idle (bina kaam key) naa rahey aur yeah asha naa rakhey ki aap ki waha per sirf hazri hi aapko O:line dilayegi

2.- Dusarey IRCops aur server key malik key sath aapko IRCop bananey ki takrar naa karey. Jyada magajmari karna, yani apaney oper banney key tak ko bhi kam karna

3.- Admins ki di gai suchana aur per madad karey to aap IRCop key liye chuney jaa saktey ho. Lekin madad ishliye karna kyoki aap issey anand letey ho.

4.- Oper key liye puchna - jyadatar aapko oper mangney wala gina jata hai.

Waha per kya karna hai aur kya nahi karna hai ishkey bare mein margdarshan mojud hai. Ish key margdarsh per yeah koi pakka wada nahi hai ki aap IRCop ban hi jayege.

7.5 Dusarey Links

Dusarey IRC Operator banney key bare mein kaam aney wale strot http://ahnberg.pp.se/ircop.html, http://www.freewebs.com/kzoo/oper.htm, aur http://help.dal.net/dnh/oper.php.

Ekk aur accha suzav yeah hai ki dusarey bhi kai web talaas karey jyada jankari key liye. Yeah nondh ley ki sabhi networks ekk saman kaam nahi kartey jaisey DALnet karta hai.

8 · Mein kisi IRCop key barey mein sikayat kaisey karu?

Kisi bhi IRCop key barey mein sikayat humeesha sidhey hi woh server key malik ko karey ki jinper woh oper bana huva ho. Malik key naam ko talaash karey ke liye, krupiya woh IRCop ka whois lagaye (/whois opername) aur waha sey server ka naam leker uskey malik kaa naam janney key liye woh server ka MOTD (Din Ka Sandesh) /motd servername.* likh ker janch ley

App koi ekk karan sey yaa dusarey karan sey yeah command ka istmal nahi kar saktey ho, to woh IRCop ka /whois lagaye aur uskey jariye abhi haal istmal hota server kahi likh ley ki jin per woh oper bana ho. Aam taur per /motd servername.* aapko server key malik kaa nam de hi deta hai. Drastant key taur per: /motd liberty.*. App yeah http://www.dal.net/admin/teams.php3 per sey bhi lagbhag sabhi IRCops ki suchi mil sakti hey.

Ek server key malik ka sumperk humeesha admin-nick@dal.net per ho sakta hai. Agar malik ka nickname samajlo ki "whatever" hey to apko whatever@dal.net per email kerna chahiye. Aur kisi server key malik key bare mein koi sikayat ho to sidhey hi Administrative Oversight Board ko yeha per karni chahiye .

Akhir mein, Aapko sikayat karney ki sahi jaga key bare mein sey sahayta milegi.

Jab aap aapni sikayat likh rahe hote ho, krupiya viveki rahey, sthiti key bare mein vistar sey khulasha karey aur jitna ho sakey utna chota likhey. Agar aap chahtey hai ki aapki sikayat ko gambhirta sey liya jaye, aur sikayat per kaydesar pagle liye jaye, lekin waha per padhney mein adhik lambey, vyarth bato sey bhare samaj mein nahi aney wale e-mail kisi key jariye bhejey gaye ho jinmein dhamki likhi hoti hai to aisey sikayato per kisi kism ki karyawahi ki gunzais nahi raheti. Aur, sabhi DALnet key address per email bhejney sey log apki sikayato per gambhirta sey dhyan dengey aisa nahi hai. Baki sab choor key jimmedari bhara bartan karey.

Dekhaney per, aapko sirf sikayate hi nahi likhni chahiye Server key Malik ko. Balki unkey staff mein agar koi IRCop accha kaam karta hai to unkey bare mein bhi prashansha karni chahiye. ;)