DALnet NickServ Registration

Version 2.2.3


Akhri mein anoovad kiya gaya Jayu () se tarikh 2006-11-26

Akhri mein likhwaya gaya PJKevin () se tarikh 2004-09-02

Asal mein likhwaya gaya Kzoo () or Wizzu () se tarikh 2000-10-01

Agar apka is document ke bare mein koi suzav ya koi mat Hoto apne suzav hame is email par bheje (sirf ! Koi madat ki Binti nahi!) docs@dal.net. Agar apke koi aise cheeze pe jankari chahiye jo is document mein likhwayi nahi gai hai To kripaya Jankari is website pe dekhiye http://help.dal.net.

Parichay

Yeah datavez DALnet per nickname register karane key bare mein vistar sey bari-bari batayega. yeah dusare aur commands ki jo nickname register karane ke sambandhit hai aur email ki jaruriyat key bare mein bhi bataya gaya hai (niche dekhe).

DALnet per nickname (naam) register karane ke liye abhi do-hisse hai, ek yeah ki email address ko nickname key sath joda jata hai. Agar nickname register karaney ki prusthi email/irc key jariye 72 ghanto ke bhitar naa ki jaye to woh khatma ho jata hai. Ishliye aap apana sahi wajod email address jode yeah bahoot jaruri hai.

Yeah datavez #ServHelp satra key adharit hai ki jo DALnet Events dal ke hatho mein hai - http://help.dal.net/events.

Suchi

1 · Apana nick register kaise kare

Apana nick register karane key liye niche command diya gaya hai:

/nickserv register password email address

Drastant:

/nickserv register PeanuttyButteryPass12 janet@peanutbutter.ca

Jaha per PeanuttyButtery12 aapka password hoga aur janet@peanutbutter.ca aapka sahi email address hoga.

Jab aap password ka chayan kartey hai tab waha per kafi chizey dhyan mein rakhani hoti hai. Krupiya jyada jankari key liye DALnet ki password margdarshika padhe http://docs.dal.net/docs/passwordshi.html.

Services key uplabhda sabhi commands ka istmal karane key liye apako pahele apana nickname prusthi karakey puri tarah sey register karana hoga. Ishliye yeah bahoot jaruri hai ki aap apana vajood email address istmal kare. Krupiya jyada jankari ke liye Vibhag 3 dekhe.

2 · Apane nick ko identify kaise kare

Apako waha per kuch commands ka istmal karney sey pahele khud key nick ko identify karna jaruri hoga. Vastav mein waha per identify karney key liye kai raaste hai, unmein sey do jyada prachalit hai:

/msg nickserv@services.dal.net identify nick password
/nickserv identify nick password

Yeah mumkin hai ki aap wah nickname bhi identify kar saktey ho jiska abhi aap istmal naa kar rahe ho. Agar aap apana abhi istmal ho rahey nick ko hi identify karna chahate ho, to waha per nick likhana jaruri nahi hai, drastant key taur per:

/msg nickserv@services.dal.net identify PeanuttyButteryPass12
/msg nickserv@services.dal.net identify PeanutButterLover PeanuttyButteryPass12
/nickserv identify PeanuttyButteryPass12
/nickserv identify PeanutButterLover PeanuttyButteryPass12

NickServ sey identify karney key dusare tarike yaha samil kiye hai:

/quote nickserv identify nick password
/identify nick password
/services identify nick password

Pahele key commands key sath, aap abhi jo nick istmal kar rahe ho wohi nick identify karney key liye hai ishmein apana nick likhna jaruri nahi hai.

Nondha: Yeah ek accha suzav hai ki aap sabhi Services commands apney mIRC key Status khidki (yaa, agar aapkey IRC client per status khidki naa ho, to dusari koi bhi jagah ki jo khuli channel ya kisi ki sandesh khidki naa ho) per likey, taki durbhagya sey kahi woh kisi ko aapka password naa bhej de. Drastant key taur per, agar aap command sey pahele slash (/) likhna bhool gaye to command key sath aapka password bhi khuli channel per jayega.

Kisi bhi sanjog per aap NickServ ya ChanServ key alava kishi aur key sath identify naa kare. Yani, agar aap kisi aisey vyakti sey miley kiska nick MickServ, NickSrv, adi. jaisa ho to unper bilkul bharosha naa kare. Agar kisi key hath mein aapka password aah gaya to aap aapney nickname sey hath dho bethoge aur unkey sabhi malikana haq bhi kho denge. Yeah puri tarah sey dimag mein betha ley ki aap aur sirf aap hi aapney password ki salamati key jimmedar hai. Aapko nakali IRC Operator ya nakali Services key baare mein abhik jankari http://docs.dal.net/docs/ircimpshi.html per mil sakti hai.

Agar aap aapna nick identify nahi kar paa rahey ho, to krupiya dhyan de ki password ekdum wohi ho ki jo apaney register kartey samay joda ho. Iska matlab NickServ bade (upper-case) aur chotte (lower-case) aksharo ko alag alag hi svikrut karta hai, drastant key taur per "apple", "APPLE" aur "aPPLe" yeah sabhi alag alag password hai. Aapney apana sahi password dakhil kiya hai yaa nahi yeah pakka karley. Agar ishkey bavjood bhi aap kuch khami bhara sandesh paye, to SENDPASS command ki jiskey bare mein http://docs.dal.net/docs/nickservhi.html per bataya gaya hai uski koshish kare. Agar yeah bhi kaam naa aye to IRC Operator ko dhundhe, unko dhundhne key liye aap http://docs.dal.net/docs/findoperhi.html per nazar dale.

3 · Aapkey register ki prusthi kaisey kare

Ek ghante key bhitar ya ussey bhi jyada samay mein, aapney jo email address joda hoga ussper "DALnet User Registeration" aisa mail ayega. Iss sandesh mein aapki adhikrut prusthi (AUTH) sankhya di gayi hogi aur ishka istmal karkey aap kaisey aapney nickname ko puri tarah sey register kare iskey bare mein bhi bataya gaya hoga.

Agar aapka email client samarthan deta ho, to sabsey saral raasta khud ko adhikrut karney key liye Web address per jaye (yeah kuch aisa hoga "http://users.dal.net/cgi-bin/verify.cgi?") jo ki email key bhitar hi paya jayega. Iskey bavjood, agar yeah mumkin naa ho, to nichey diya raasta apnaye:

  1. Waisey waha per prusthi karney ka command email mein hota hai jisko copy karkey apaney mIRC client key status khidki per paste karna hota hai (mIRC client ki status khidki alt+1 dabane sey ayegi). Agar copy naa kar saktey ho to kisi bhi kagaz per woh command ya sankhya sahi tarike sey likh lo.

  2. DALnet per jodan karo (/server irc.dal.net 7000).

  3. Agar aapney command copy kiya ho, to usey aapney IRC client per paste kare. Agar aapney lika huva hai, to waha IRC per type kare.

  4. Command bhejne per, aap Nickserv sey yeah prusthi karta huva sandesh payege ki aap puri tarah sey adhikrut ho gaye hai (kuch IRC clients per, yeah sandesh aapko status khidki per hi dikhai dega).

    -NickServ- Mission accomplished! The nick YourNick is fully
    -NickServ- registered. You now have access to change your nick
    -NickServ- settings, send memos to other users and use DALnet's
    -NickServ- registered user web site at http://users.dal.net

Agar aapko "/quote nickserv" yaa "/msg nickserv@services.dal.net" ka istmal karney ki jarurat ho, to bahetar yahi hoga ki email sey hi pura command copy karkey istmal kare. Kuch IRC clients sirf "/nickserv" ko samrthan nahi dete.

Agar aap woh nick ko dusari baar AUTH code lagate ho ki jo pahley sey hi puri tarah sey register hoga, to NickServ yeah sandesh dega:

-NickServ- This nick is already fully registered.

4 · Apana email address badalna

Aap aapney nick key sath lagaya huva email address badal saktey ho.

Email address badalney ka sahi command yeah hai:

/nickserv set email nickpass email address

Drastant key taur per:

/nickserv set email mypass123 janice@delightful.net

Yeah dimag mein bitha le ki email ka badlav tabhi mumkin hoga jab aap naye email address per bheja gaya naya authorization code istmal karte ho tab. Email address badal ne ke karya ke liye do tabbake hai. Jab email address badal ne ki darkhast ki jaye, tab sabse pahele jo email tabhi pahele se set hoga uss per email bheja jayega. Yeah email batata hai ki address change karne ki darkhast ki gai hai aur yadi user khud ne yeah darkhast naa ki ho to user ko yeah avasar deta hai ki wah iss darkhast ko vyarth kar sake. Agar darkhast ko 48 ghante ke bhitar vyarth/rad nahi kiya gaya to, prusthi ke liye email naye address per bhej diya jayega, user ko address badal ne ki darkhast ko purna karne ka adhikar dete huve. Waha per SET EMAIL aur SET PASSWD command ke istmal ke bich 72 ghante (3 din) ka samay dena hoga. Jab email badalne ki darkhast ki gai ho tab 72 ghante ke liye password badal nahi sakate, aur jab password badal ne ki darkhast ki gai ho tab 72 ghante ke liye email badal nahi sakate.

Aap SET EMAIL command ka ishkey sath dusra kuch bhi naa likh kar aapney nickname key sath kaunsa email address lagaya hai woh dekh saktey hai:

/nickserv set email

5 · Email address ko jodna kyo jaruri hai

5.1 Puri tarah sey register huve Nickname ka visheshadhikar

31st October 2000 mein, DALnet ney sabhi register huve nickname key liye sahi email address lagane ka jaruri samja. Email address key bina jo bhi nickname tha woh tay ki gai tarikh per khatma ho gaye.

Kuch aisey vishes-adhikar bhi hai jiska istmal aap nickname ko prusthi karne sey pahele bhi istmal kar sakte ho, jo nicche bataye gaye hai:

  • Aap identify command ka istmal kar sakte ho

  • Aap set email command ka istmal kar sakte ho

  • Aap drop command ka istmal kar sakte ho

  • Aap http://users.dal.net per bhi jaa saktey ho

Niche bataye gaye vishesh-adhikar ka istmal nickname ko prusthi kiye bina nahi kar sakte:

  • Aap MemoServ ka istmal sandesh bhejney ya paaney key liye nahi kar sakte

  • Aap NickServ access suchi ka istmal nahi kar sakte (access command)

  • Yeah sabhi NickServ key commands istmal nahi kar sakoge: set enforce, set url, set mailblock, set noop, ghost, recover and release

Inn sab commands key bare mein adhik jankari key liye, krupiya http://docs.dal.net/docs/nickservhi.html ki mulakat le, ya jab aap DALnet per ho tab /nickserv help likhey, ya phir http://www.dal.net/services ki mulakat le.

5.2 Email key jariye passwords bhejna

Sahi taur per email address ko aapney nick key sath jodney ka udesya yeah hai ki aap yadi aapna password bhool jaye to password ko aap aapney email per mungva saktey ho. Yeah jyada salamat hai, matlab ki kisi bhi vajah sey passwords kho jane per CSop ko yeah yakin dilaya ja sakta hai ki aap hi nick key sahi malik hai. Jab kabhi bhi nick key liye password ki darkhast ki jati hai, tab woh nick key sath judey email per bheja jata hai.

NOTE: Yeah aapki apani jimmedari hai ki aap aapney email ko sahi salamat rakhey. Agar aapka email khata password-salamat hai, aapney email key liye bhi aapney nick ka hi password istmal karna acha suzav nahi hai. Agar kisi ko aapkey ek bhi password key bare mein pata chal gaya to dusare inkey sath judi chizo ki jinka password bhi ek saman ho woh sab bhi hath sey jaa saktey hai.

Yeah password bhejney ka karya kaisey hota hai? 12th July 2001 key roz, DALnet ney aapney users key liye yeah manya kiya ki woh aapney passwords aapney email per SENDPASS command ka istmal karkey mungva saktey hai. Jab aap nickname key liye SENDPASS ka istmal karney ki darkhast dena chahate ho tab aapko nick key sath juda gaya aapney apna sahi email dena padega aur ishi tarah sey channel key password key liye bhi channel key malik key nickname key sath juda email dena padega. Aap SENDPASS command ka istmal ekk hi email address key liye 72 ghanto mein ek baar hi kar saktey ho. Iss tarah, agar koi aapney nickname aur channel doney key password bhool gaye ho, to unko bari-bari sey password mungvana hoga, yani pahele nick key liye darkhast karney key baad unko 72 ghanto ki pratiksha channel password mungvaney kki darkhast karney key liye karni hogi.

Password ki hifajat key liye waha per eek aur badha rakhi gai hai. Ekk hi IP ya HOST per sey thodey samay key bhitar thodey hi SENDPASS command ka istmal kiya jaa sakta hai.

SENDPASS command ki vakya rachna key baare mein jyada jankari http://docs.dal.net/docs/nickservhi.html per di gai hai.

Agar user khud hi password ka masla sulza naa sakey to waha per CSOps password ya malikana haq key masley key liye hazir hai. Aapka email address IRCOp ko zahir karna nahi padta jab aap SENDPASS command istmal kar rahe ho. NickServ aapney aap password ko email per bhej deta hai.

Ekk baar phir, IRCOp ko kaisey khojey isskey baare mein adhik jankari http://docs.dal.net/docs/findoperhi.html per mil sakti hai.

6 · Email address ki dupt-ta

DALnet ki email ki gupt-ta ka bayan http://www.dal.net/emailinfo.html per mojud hai. Yeah DALnet per aapkey email address ki salamati key baare mein inhoney jo makkam siddhant hai uskey baare mein bayan karta hai. DALnet kisi bhi avastha mein kisi ko bhi email address ki suchi nahi deta. Agar aap aapney email address ki dupt-ta key baare mein chintit hai, to krupiya upar bataya gaya bayan gaur sey padhey.

Ekk baar phir, IRCOp NickServ ko users key password bhejney ko kahtey hai lekin unko bhi email address key baare mein pata nahi hota hai, jab ki yeah puri tarah sey apne aap hi karya hota hai.

Dusare users aapka email address nahi dekh sakte, jab tak ki aap dikhana naa chahe. Agar email address jodney key baad aapney isskey liye koi bhi badlav naa kiya ho, to koi bhi aapka email nahi dekh sakta. Agar aap apana email address NickServ key dikhaney wale mahitisuchak per (/nickserv info yournick per) dikhana chahate ho, to aap nichey diye anusar jod saktey ho. Aapney nickname ko identify karney key baad, yeah commands likhey:

/nickserv set showemail on

Aapney apna dimag badal diya aur aab aap apana email aapki mahitisuchak per nahi dikhana chahate, to command yeah raha:

/nickserv set showemail off

Hum pahele bhi bata chukey hai ki, aapkey email ki salamati ki jummedari aapki khud ki hai. DALnet kisi bhi tarah malik ki bedarkari ki vajah sey pareshan karney wale sandesh ya password chori hone key bare mein jummedar nahi hai. Jabki SHOWEMAIL ka istmal agar aap apana password bhoo gaye ho aur kaunsa email lagaya hai woh bhi bhool gaye ho tab SENDPASS key liye faydemand hai, aur log bhi aapka email dekh saktey hai aur pareshan karney mail bhi bhej saktey hai. Agar aap apana email kisi key sath bantey hai, to woh aapkey nick ka password chura sakta hai. Saaf shabdo mein kaha jaye to, password gopaniy hota hai aur kisi key sath banta nahi jata hai.

Agar aap apana asal email address istmal karna nahi chahate hai to krupiya dusra koi muft email address istmal karey. Phir bhi, aisey muft email address ka istmal karna bhi acha suzav nahi hai, kyoki woh sabhi mehfuj nahi hai. Aur, krupiya apaney abhi key email address key jod ko chuve nahi to bahetar rahega. DALnet kisi bhi tarah sey aisey nickname key liye jimmedar nahi hai jiskey saath galat email joda gaya ho.

6.1 "Mein apana email address aapko dena nahi chahata!"

Besak yeah aapka apna haq hai, hum yeah baat per gaur karney kokahte hai ki DALnet muft seva hai. Waha per bahot sari aisi muft sevaye hai jo aapko bahetar rakhney key liye aapkey email address puchtey hai. DALnet aapko aapney servers per aane key liye nick ko register karney key liye bandhit nahi karta.

Unkey liye ki jo aapney email address ki gupt-ta key liye jyada savendansil hai, hum yeah salah dete hai ki woh log apana nick register karney key liye kisi bhi muft email seva ka istmal kare. Jab ek baar kaam pura ho jaye, tab agar aap chahe to iss email key bare mein bhool sakte ho. Jab ki, yeah puri tarah sey dimag mein bitha ley ki agar aapney aisa kiya, tab aapko agey chal kar password key baare mein koi madad nahi mil sakegi.

7 · Muskiliya aur baar-baar puchey jane wale sawalat (F.A.Q.)

NickServ mujhe batata hai ki AUTH code galat hai. Aab mein kya karu?

Uttar: Sabsey pahele apako yeah pakka karna chahiye ki aapney jo sankhya likhi hai woh ekdum sahi ho. Issliye mumkin ho tabtak copy-paste ki salah di jati hai. Yeah bhi mumkin hai ki aapney apana email address badal diya ho aur aapney pahele key puraney wale email wali code istmal ki ho. Krupiya aapney ko jo mail mila ho usko puri tarah sey pade aur yeah pakka kare ki aap jo sankhya istmal kar rahe ho woh aapkey nickname ka hi AUTH code ho. Aapney aapney thode bahot nicks key liye emails lagaye hote hai tab aisa masla ya pareshani ho sakti hai.

Adhik mein, Aapney register karte samay akhir mein jo email address diya hoga usko agar badal diya ho to naya prusthi code aapkey naye dusare email seva per bhej diya hoga. Aisey mein sirf yahi naya prusthi code hi nick puri tarah sey register karney key liye kaam ayega.

Agar aisa kuch nahi hai, to aap chahe to aapney nick key liye Services sey naye prusthi code ki darkhast SET EMAIL command (Vibhag 4) key jariye kar sakte hai. Agar NickServ apako batata hai ki yeah email address pahele sey istmal mein liya gaya hai to aap pahele koi bhi jali email lagaye aur baad mein aapka sahi email ko vapis SET EMAIL command ka istmal karkey laga sakte ho.

Jab mein apana email address laga raha tha tab galti sey galat lag gaya hai. Aab mein kya karu?

Aapney jab apana nick register kiya ho uss waqt sey lekar 24 ghanto key bhitar aap dusara email badal saktey ho. Aapko pahele apane nickname ko identify (Vibhag 2) karna padega. Uskey baad aap SET EMAIL command (Vibhag 4) ka istmal karkey apana sahi email laga saktey ho.

Krupiya dhyan de ki aapka email galat hoga, to aap services sey prusthi code nahi paa sakoge. Jab aap email paye, tab aap upar bataye anushar AUTH code ka istmal karey.

Sawal: Koi mera adha-register kiya nick istmal kar raha hai. Aab mein ishko vapis kaise lu jabki mein RECOVER ya GHOST command istmal nahi kar sakta?

uttar: Prushti code key liye apana email janch lo aur phir ishka istmal karkey aapney nick ko puri tarah sey register kar lo. Ekk baar aisa kar liya, tab aap RECOVER aur GHOST command ka bakhubi istmal kar sakte ho.

Sawal: Mujhe AUTH code abhi tak nahi mila, Mein kya karu?

Aisa kyo huva, ishkey bare mein waha per thode bahot karan ho sakte hai. Sabsey pahela karan yeah ho sakta ki aapney apana email address galat likh diya hoga. Aap yeah pakka ker sakte hai ki aapney NickServ ko kaun sa email diya hai, istmal kare:

/nickserv set email

Agar email address galat ho, to niche diye anushar apana sahi email address vapis laga sakte ho:

/nickserv set email nickpass email address

Dusara karan yeah ho sakta hai ki email bhejne mein deri ho gai ho (agar waha sevaye mandchal rahi ho ya khami ho). Agar jyada log ek hi samay mein apana nick ekk sath register karte hai, to waha sandesh bari-bari bheje jate hai aur yeah thoda bahot samay lete hai. Ishliye krupiya kumsey kum che ya saat ghante intazar karne key baad hi madad key liye puche.

Aapsey yeah bhi ho sakta hai ki aapney apana chalu/sahi email nahi lagaya ho. Aapko chahiye ki aap wahi email lagaye ki jo ekdum thik thak chal raha ho. Agar aap apana khudka adhikrut email address lagana nahi chahte ho, to krupiya Web per sey koi muft seva dene wala email talasey. Yaad rakhiye, yeah aapkey jimme hai ki aap apane email ko salamat rakhe, kyoki password bhool jane per inhi email per bheja jayega. Aur bhi, ekk DALnet ka email address iss karya key liye sahi nahi hai. Adhik jankari key liye Vibhag 6.1 dekhey.

Sawal: Mujhe aisa lag raha hai ki kisi ney mere nickname aur mere email ka password chura liye hai.

Uttar: Password ki salamati aapki jimmedari hai.

Aapney password ko SENDPASS command key jariye aapney email per mungva ney ki koshish kare, jiskey baare mein http://docs.dal.net/docs/nickservhi.html per bataya gaya hai. Agar yeah kaam naa aye, to krupiya #OperHelp per jaye aur waha channel per k isi op ke jariye voice milne ka intezar kare. Op key alawa koi aapko waha per sandesh bheje to uttar naa de. Waha DALnet per IRC Operator ko kaisey talasey iskey baare mein mada karta dastavez bhi maujood hai, aap ishko http://docs.dal.net/docs/findoperhi.html sey le sakte hai.

Yeha per password ki salamati key bare mein achey suzav rakhey huve hai:

  • Aisey password ka chayan kare jo kum-sey-kum saat aksharo ka ho aur usmey chotte aur bade dono aksharo ka istmal kiya ho, sath mein kuch sankhya bhi.

  • Kabhi bhi Services key commands khuli hui kishi bhi channel per naa likhey, balkey dusari kisi salamat jagah per likhey (drastant key taur per, agar aapkey IRC clinet per Status khidki ho to waha likhey).

  • Aapney computer per kisi bhi script key jariye password ko identify naa kare, kyoki kabhi kabar koi aapki jankari sey yaa bina jankari sey waha per kabu kar sakta hai. Aapko aapni scripts ki jo aap istmal kar rahe ho unkey bare mein saavdhan rahena chahiye, kyoki unmein sey kuch naa hi sirf aapka password churaney mein sahay kartey hai balki aapkey computer per bhi kabja jamaney mein kisiko sahay karte hai.

  • Agar aap cybercafe, library ya aisi hi kisi jaher internet seva dene walo key yaha sey apana nickname identify kar rahe ho, to yeah pakka kar le ki koi aapka password dekh to nahi raha hai naa aur koi password churi karney wali script to chalu nahi hai na. Yeah bhi dhyan de ki IRC per "loggin" to chalu nahi hai naa.

  • Kabhi bhi apana password kisi dusare key sath baate nahi aur dhyan rakhe ki DALnet per koi bhi aapko aapkey password key bare mein sandesh nahi deta. Sirf CSOp hi aapko password key bare mein puchtey hai jab aap koi madad key liye gaye hote hai tab.